Eslotin 5 mq N30 tablet

Dərman vasitəsinin istifadəsi üzrə təlimat (xəstələr üçün)

ESLOTİN örtüklü tabletlər ESLOTIN Beynəlxalq patentləşdirilməmiş adı: Desloratadine

Tərkibi

Təsiredici maddə: 1 örtüklü tabletin tərkibində 5 mq dezloratadin vardır. Köməkçi maddələr: kalsium hidrofosfat dihidrat, talk, qarğıdalı nişastası, mikrokristallik sellüloza, maqnezium stearat, krospovidon. Örtük: göy opadri 85F20400 (polivinil spirti, makroqol, titan dioksid, talk, indiqokarmin alüminium lakı).

Təsviri

Hər iki tərəfi qabarıq, bir tərəfində bölmə xətti olan, göy örtüklü tabletlər.

Farmakoterapevtik qrupu

Sistem istifadə üçün antihistamin preparatlar. ATC kodu: R06AX27.

Farmakoloji xüsusiyyətləri

Farmakodinamikası Eslotin antihistamin, allergiyaəleyhinə və iltihabəleyhinə təsir göstərir, yuxululuq əmələ gətirmir. Dezloratadin (loratadinin birinci aktiv metaboliti) daxilə qəbul zamanı periferik histamin H1-reseptorlarını selektiv şəkildə blokadaya alır. Sitostatik reaksiyalar axınının qarşısını alır: iltihabəleyhinə sitokinlərin ifrazı, o cümlədən interleykin-4-ün (İL-4), interleykin- 6-nın (İl-6), interleykin-8-ın (İl-8), interleykin-13-ün (İl-13), RANTES tipli iltihabəleyhinə xemokinlərin, polimorfnüvəli neytrofillərlə aktivləşmiş superoksid anionların məhsulunun, adgeziya və xemotaksis eozinofilləri, adgeziya molekul ekspresiyası, o cümlədən P-selektinin, histamin ifrazının LgE-vasitəçiyini, D2 prostaqlandinini və C4 leykotrienini. Farmakokinetikası Preparat mədə-bağırsaq traktından yaxşı absorbsiya olunur, plazmada maksimal konsentra- siyaya təxminən 3 saatdan sonra çatır. Yarımxaricolma dövrü 27 saat təşkil edir. Biomənimsənilmə qəbul edilən doza ilə (5 mq – 20 mq diapazonda) düz mütənasibdir. Hematoensefalik baryerdən keçmir, plasentar baryerə və ana südünə nüfuz edir.

İstifadəsinə göstərişlər

– Mövsüm pollinoz və bütün ilboyu davam edən allergik rinit (asqırmanın, burundan selik ifrazının aradan qalxması və ya yüngülləşməsi, burunun qaşınması və ya tutulması, gözlərin qaşınması və qızarması, gözlərin sulanması, damaq qaşınması); – xroniki idiopatik övrə (dəri qaşınmasının və səpgisinin azalması və aradan qalxması).

Əks göstərişlər

– Preparatın istənilən komponentinə qarşı yüksək həssaslıq; – hamiləlik və laktasiya dövrü.

Xüsusi göstərişlər və ehtiyat tədbirləri

Ağır böyrək çatışmazlığı olan xəstələrdə ehtiyatla təyin etmək lazımdır.

Digər dərman vasitələri ilə qarşılıqlı təsiri

Dezloratadinin ketokonazol, eritromisin, azitromisin, fluoksetin, simetidin ilə birlikdə çoxsaylı istifadə edilməsinin qarşılıqlı təsirinin öyrənilməsi zamanı preparatın plazmada konsentrasiyasının klinik əhəmiyyətli dəyişikliyi qeyd edilməyib. Dezloratadin alkoqolun mərkəzi sinir sisteminə təsirini artırmır.

Hamiləlik və laktasiya dövründə istifadəsi

Hamiləlik zamanı preparatın istifadəsinə dair klinik məlumatlar olmadığı üçün bu dövrdə onun istifadəsi əks göstərişdir. Dezloratadin ana südünə nüfuz etdiyi üçün laktasiya dövründə preparatdan istifadə etmək olmaz. Pediatriyada istifadəsi Preparatın pediatriyada istifadəsi yalnız həkim təyinatı ilə mümkündür.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Eslotin nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir etmir.

İstifadə qaydası və dozası

Eslotin qida qəbulundan asılı olmayaraq sutkada 1 dəfə 5 mq dozada daxilə qəbul edilir. Tableti çeynəmədən, bütöv halda və su ilə udmaq lazımdır.

Əlavə təsirləri

Yüksək yorğunluq, ağızda quruluq, baş ağrısı. Çox nadir hallarda taxikardiya, ürəkdöyünmə, qaraciyər fermentlərinin aktivliyinin artması, bilirubinin konsentrasiyasının yüksəlməsi, anafilaksiya və səpgi daxil olmaqla allergik reaksiyalar, mialgiya, yuxululuq, başgicəllənmə, qıcolma, halüsinasiya, ürəkbulanma, qusma, diareya, dispepsiya.

Doza həddinin aşılması

Simptomları: əlavə təsirlərin güclənməsi. Müalicəsi: mədənin yuyulmasından sonra aktivləşdirilmiş kömür qəbulu, ehtiyac olduqda simptomatik terapiya aparılır. Hemodializ effektli deyil. Peritoneal dializin effektivliyi müəyyən edilməyib.

Buraxılış forması

Örtüklü tabletlər. 10 tablet, blisterdə. 1, 2 və ya 3 blister, içlik vərəqə ilə birlikdə karton qutuya qablaşdırılır.

Saxlanma şəraiti

25С-dən yüksək olmayan temperaturda , rütubətdən qorumaqla, uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

World Medicine İlaç San. ve Tic. А.Ş., Turkey. 15 Temmuz Mah. Cami Yolu Cad. No: 50 Güneşli Bağcılar/İstanbul.

Qeydiyyat vəsiqəsinin sahibi

World Medicine İlaç San. ve Tic. А.Ş., Turkey. 15 Temmuz Mah. Cami Yolu Cad. No: 50 Güneşli Bağcılar/İstanbul.