VIBURCOL N12 SAM

Dərman vasitəsinin istifadəsi üzrə təlimat (xəstələr üçün)

VİBURKOL N rektal, suppozitoriyalar (şamlar) VIBURCOL N

Tərkibi

Təsiredici maddələr: 1 şamın tərkibində vardır: Chamomilla recutita D1 1,1 mq; Atropa belladonna D2 1,1 mq; Plantago major D3 1,1 mq; Pulsatilla pratensis D2 2,2 mq; Calcium carbonicum Hahnemanni D8 4,4 mq. Köməkçi maddələr: bərk yağ.

Təsviri

Ağ rəngdən sarı – ağ rəngə qədər dəyişən şamlardır.

Farmakoterapevtik qrupu

Homeopatik dərman vasitəsi. ATC kodu: V03AX. Digər terapevtik məhsullar.

Farmakoloji xüsusiyyətləri

Farmakodinamikası Tək təsiredici maddələrin klinik təsvirinə əsaslanan homeopatik dərman maddələrinin və dərman vasitələrinin təsir mexanizmi, təbii özünü tənzimləmə proseslərin dəstəklənməsi və ya modulyasiyası ilə izah edilə bilər. Farmakokinetikası Homeopatik dərman vasitələrində adətən potensiya olunmuş təsiredici maddələr olur. Homeopatik təsiredici maddələrin və homeopatik preparatların dozadan asılı təsirləri olmadığından, farmakologiya ilə əlaqəli farmakokinetik profili haqqında məlumat yoxdur.

İstifadəsinə göstərişlər

Qızdırma və qızdırmasız narahatlıq hissi keçirən körpələr və uşaqlar üçün şamlar; adi infeksiyaların simptomatik müalicəsi.

Əks göstərişlər

Preparatın tərkibində olan komponentlərdən hər hansı birinə qarşı allergiya (yüksək həssaslıq).

Xüsusi göstərişlər və ehtiyat tədbirləri

Əgər simptomlar davam edərsə və ya daha da pisləşərsə, həkimə müraciət etmək lazımdır.

Digər dərman vasitələri ilə qarşılıqlı təsiri

Heç bir qarşılıqlı təsir qeydə alınmamışdır və homeopatik durulaşdırılmalar səbəbilə hər hansı qarşılıqlı təsir gözlənilmir. Həkiminiz son vaxtlarda qəbul etdiyiniz bütün dərman vasitələri ilə bağlı (hətta onlar reseptsiz buraxılan dərman vasitələri olsalar da) məlumatlandırılmalıdır.

Hamiləlik və laktasiya dövründə istifadəsi

Bu preparatda təqdim olunmuş maddələrin homeopatik həll edilmiş məhlullarının hamiləlik və laktasiya müddətində toksiki olmaları məlum deyil. Bütün dərman vasitələri kimi, hamiləlik və laktasiya dövründə bu preparatı istifadə etməzdən öncə öz həkiminizlə və ya tibbi mütəxəssislə məsləhətləşin. Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri Nəqliyyat vasitəsini və digər potensial təhlükəli mexanizmləri idarəetmə qabiliyyətinə heç bir təsir göstərmir və homeopatik durulaşdırılmalar səbəbilə heç bir təsiri gözlənilmir.

İstifadə qaydası və dozası

Kəskin pozulmalarda 1 ədəd şam düz bağırsağa yeridilir və prosedur bir neçə dəfə təkrar edilir; simptomlar yüngülləşdikdən sonra gündə 2-3 dəfə 1 şam. Yaşı 6 aylığa qədər olan (doğulduğu gündən) körpələr üçün maksimum gündə 2 dəfə 1 şam. Böyüklər və 12 yaşdan yuxarı uşaqlar üçün maksimum doza gündəlik 6 dəfəyə qədər hər 2 saatdan bir 2 şam, 6-11 yaş arası uşaqlar üçün gündəlik 8 dəfəyə qədər hər 2 saatdan bir 1 şam, 2-5 yaş arası uşaqlar üçün gündəlik 6 dəfəyə qədər hər 2 saatdan bir 1 şam, 6 aydan 2 yaşa qədər olan uşaqlar üçün gündəlik 4 dəfəyə qədər hər 2 saatdan bir 1 şam.

Əlavə təsirləri

Çox nadir hallarda allergik dəri reaksiyaları ola bilər.

Doza həddinin aşılması

Doza həddinin aşılması haqqında məlumat yoxdur və homeopatik durulaşdırılmalar səbəbilə heç bir hadisə gözlənilmir. Əgər tövsiyə olunan dozanı aşmısınızsa, həkimə müraciət edin.

Buraxılış forması

6 şam blisterdə. 2 blister içlik vərəqə ilə birlikdə karton qutuya qablaşdırılır.

Saxlanma şəraiti

Şamları hətta qısa müddət ərzində 25°C-dən artıq temperaturda saxlamaq olmaz, çünki bu, şamın komponentlərinin yumşalmasına və əriməsinə səbəb ola bilər. Uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti qablaşdırıldığı qutunun üzərində göstərilmişdir. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır. İstehsalçı/Qeydiyyat vəsiqəsinin sahibi Biologische Heilmittel Heel GmbH. Dr.-Reckeweg-Strasse 2-4 76532 Baden-Baden, Germany. Azərbaycanda rəsmi distribyuter Planeta PCC.