TUSSINEKS NEO 125ML

Dərman vasitəsinin istifadəsi üzrə təlimat (xəstələr üçün)

TUSİNEKS NEO oral şərbət TUSINEX NEO

Tərkibi

Təsiredici maddələr: 100 q şərbətin tərkibində vardır: mürəkkəb ekstrat (1:4,4): lansetabənzər bağayarpağı (Plantaginis lanceolatae folio) (3h.), qrindeliya otu (Grindeliae herba) (1h.), itburnu meyvəsi (Rosae fruktu) (1h.) – 5 q, [Ekstraqent: etanol 50% (v/v)] (Thymi herbae extractum) – kəklikotu otunun ekstraktı (1:4) – 3 q, [Ekstraqent qarışığı: etanol 30% (v/v), qliserin, ammonium suyu 25%], Exinaseya otunun şərbəti (Echinaceae purpureae herbae succus) (1:1) – 2 q. Köməkçi maddələr: saxaroza, təmizlənmiş su, qarağat konsentratı. Şərbətin tərkibinə 1%-ə qədər etanol daxildir.

Təsviri

Qırmız-qəhvəyi rəngli, şəffaf, qarağat-kəklikotu qoxulu mayedir.

Farmakoloji xüsusiyyətləri

Tusineks Neo şərbəti bitki mənşəli preparatdır. Ənənəvi olaraq, immuniteti stimullaşdıran profilaktik vasitə kimi istifadə edilir. Preparatın effektivliyi təcrübədə və uzunmüddətli istifadə nəticəsində sübut edilmişdir.

İstifadəsinə göstərişlər

– İmmunitetin zəiflədiyi hallarda profilaktika məqsədi ilə; – yuxarı tənəffüs yollarının öskürəklə müşayiət olunan zəif iltihabi proseslərində köməkçi vasitə kimi.

Əks göstərişlər

– Vərəm; – aqressiv sistem xəstəlikləri; – leykemiya; – kollagenoz; – dağınıq skleroz və autoimmun xəstəlikləri; – QİÇS və ya İİV-infeksiyaları; – preparatın hər hansı komponentinə qarşı hiperhəssaslıq, mürəkkəbçiçəklilər fəsiləsindən olan bitkilərə qarşı hiperhəssaslıq; – proqressiv sistem xəstəlikləri. Bəzi şəkər növlərinə qarşı dözümsüzlüyü olan pasiyentlər preparatın istifadəsindən əvvəl həkimə müraciət etməlidir. Preparatın tərkibinə cüzi miqdarda etanol daxildir ( 1 dozada 100 mq-dan az).

Xüsusi göstərişlər və ehtiyat tədbirləri

Uşaqlarda preparatın istifadəsi üzrə nəzarət-olunan klinik müayinələr aparılmadığı və şərbətin tərkibində etanol (1%) olduğu üçün, preparatı 7 yaşa qədər uşaqlara həkimin məsləhəti olmadan istifadə etmək tövsiyə edilmir. 1 çay qaşığı şərbətin tərkibində təxminən 65 mq etanol vardır.

Digər dərman vasitələri ilə qarşılıqlı təsiri

Preparatı qaraciyərin fəaliyyətinə təsir göstərən və immunosupressiv vasitələrlə (kortikosteroidlər, siklosporin) birgə istifədə etmək olmaz.

Hamiləlik və laktasiya dövründə istifadəsi

Preparatın istifadəsindən öncə həkimə müraciət etmək lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Tövsiyə olunan dozalarda təsir göstərmir.

İstifadə qaydası və dozası

Uşaqlar 7 yaşa qədər – yalnız həkimin məsləhətindən sonra 7-12 yaş – gündə 2 dəfə 1 xörək qaşığı qəbul edilməlidir. 12 yaşdan yuxarı və böyüklər – gündə 3-4 dəfə 1 xörək qaşığı. Kiçik uşaqlara həkimin məsləhəti ilə vermək lazımdır. 3 – 7 yaşlı uşaqlara: gündə 3-4 dəfə 1 çay qaşığı (əsaslandırılımış vəziyyət olduqda). Müalicə kursu 7-10 gündür. Tənəffüs yollarının infeksiyalarının artdığı dövrlərdə profilaktika məqsədi ilə 20 günə qədər müddətdə müalicəvi dozanın yarısını qəbul etmək olar. Preparat yalnız 10 gün istifadə edilir; əgər, bir neçə gündən sonra simptomlar güclənərsə, preparatın qəbulunu dayandırmaq və həkimə müraciət etmək lazımdır. Profilaktika məqsədi ilə (məs. tənəffüs yollarının kəskinləşmiş infeksiyaların əmələ gəlməsində) dozanın yarısı qəbul edilir.

Əlavə təsirləri

Nadir hallarda allergik reaksiyalar (qaşınma, səpgilər) baş verə bilər. Belə hallarda preparatın istifadəsi dayandırılır. Digər əlavə təsirlər yaranarsa, həkimə məlumat vermək lazımdır.

Doza həddinin aşılması

Məlumat yoxdur.

Buraxılış forması

125 mq şərbət, flakonda. 1 flakon, içlik vərəqə ilə birlikdə karton qutuya qablaşdırılır.

Saxlanma şəraiti

25ºC-dən yüksək olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı

“Herbapol” Vroslav dərman bitkiləri müəssiəsi SC. Sv. Mikolay küç., 65/68, 50-951 Vroslav, Polşa.