Otrivin mentol 0,1 % 10 ml sprey

Dərman vasitəsinin istifadəsi üzrə təlimat (xəstələr üçün)

OTRİVİN 0,1% mentol və evkaliptli dozalanmış burun spreyi Beynəlxalq patentləşdirilməmiş adı: Xylometazoline

Tərkibi

Təsiredici maddə: 1 ml məhlulun tərkibində 1 mq ksilometazolin hidroxlorid vardır. Köməkçi maddələr: natrium dihidrofosfat dihidrat, dinatrium fosfat dodekahidrat, natrium xlorid, benzalkonium xlorid, sorbitol, dinatrium edetat, levomentol (mentol), sineol (evkaliptol), kremofor RH 40, təmizlənmiş su.

Təsviri

Rəngsizdən ağ rəngə qədər, şəffaf və ya opalessensiyaedici, mentol qoxulu məhluldur.

Farmakoterapevtik qrupu

Dekonqestantlar və rinologiyada yerli istifadə üçün digər vasitələr. Simpatomimetiklər. ATC kodu: R01AA07.

Farmakoloji xüsusiyyətləri

Farmakodinamikası Ksilometazolin burunun selikli qişasının alfa-adrenergik reseptorlarına təsir edən simpatomimetik vasitədir. Buruna istifadəsi zamanı burunun selikli qişasının qan damarlarının daralmasına səbəb olur, bu yolla burunun və burun-udlağın selikli qişasının ödemini aradan qaldırır. Burun tənəffüsünü asanlaşdırır. Təsiri bir neçə dəqiqədən sonra başlayır və 10 saat ərzində davam edir. Otrivin preparatı titrəyən epitelinin funksiyasını pozmur. Farmakokinetikası Yerli istifadəsi zamanı ksilometazolinin plazmada konsentrasiyası kiçikdir və aşkar olunma həddinə yaxındır.

İstifadəsinə göstərişlər

Müxtəlif mənşəli rinitlər. Burun boşluğunun iltihabı zamanı burundan axan ifrazat axınının yüngülləşdirilməsi. Orta otit zamanı köməkçi terapiaya qismində (burun-udlağı selikli qişasından axıntının azaldılması üçün). Rinoskopiyanın aparılmasının yüngülləşdirilməsi üçün.

Əks göstərişlər

Preparatın istənilən komponentinə qarşı yüksək həssaslıq, bağlıbucaqlı qlaukoma, atrofik rinit, quru rinit, hipofizin transfenoidal xaric edilməsi (və ya bərk beyin qişasının sıyrılması ilə transnazal və ya transoral cərrahi medaxilə).

Xüsusi göstərişlər və ehtiyat tədbirləri

Otrivin preparatının istifadəsindən əvvəl aşağıdakıları bilmək lazımdır. Ürək xəstəliyindən əziyyət çəkən pasiyentlər ksilometazolini istifadə etməzdən əvvəl həkimlə məsləhətləşməlidirlər (məsələn, QT intervalının uzanması sindromu). Ksilometazolin qəbul edən QT intervalının uzanması sindromu olan pasiyentlər ciddi mədəcik aritmiyasının inkişafının yüksək riskinə məruz qala bilərlər. Otrivin preparatını aşağıdakı hallarda ehtiyatla istifadə etmək lazımdır: – arterial hipertoniya, ürək-damar sisteminin xəstəlikləri; – hipertireoz, şəkərli diabet, feoxromositoma; – prostat vəzinin hipertrofiyası; – son 14 gün ərzində monoaminooksidazanın inhibitorları ilə müalicə alan və almış şəxslər (“Digər dərman vasitələri ilə qarşılıqlı təsiri” bölməsinə bax); – yuxusuzluq, başgicəllənmə və s.kimi simptomlarla təzahür edən simpatomimetiklərə qarşı yüksək həssaslıq. Otrivin preparatını digər yerli istifadə üçün damardaraldıcı vasitələr kimi fasiləsiz 1 həftə ərzində istifadə etmək məslht görülmür, belə ki, zökəmin simptomlarına oxşar simptomlarla burunun selikli qişasının ödemilə medikamentoz rinitin inkişafı mümkündür. Məsləhət görülən dozanı aşmaq olmaz, xüsusilə yaşlı pasiyentlərdə. 0,1%-li mentol və evkaliptli dozalanmış Otrivin nazal spreyi 12 yaşdan aşağı uşaqlarda istifadə etmək olmaz. Preparatın tərkibinə daxil olan benzalkonium xlorid burun boşluğunun selikli qişasının qıcıqlanmasına və ödeminə səbəb ola bilər, xüsusilə uzun müddətli istifadəsi zamanı.

Digər dərman vasitələri ilə qarşılıqlı təsiri

Monoaminooksidazanın inhibitorları Ksilometazolin monoaminooksidazanın inhibitorlarının təsirini gücləndirə və hipertonik krizə səbəb ola bilər. Ksilometazolini monoaminooksidazanın inhibitorları müalicə alan və ya almış pasiyentlərdə son 14 gün ərzində istifadə etmək məsləhət görülmür (“Xüsusi göstərişlər və ehtiyat tədbirləri” bölməsinə bax). Tri- və ya tetrasiklik antidepressantlar Simpatomimetik vasitələrlə tri- və ya tetrasiklik antidepressantlar ilə eyni vaxtda istifadəsi məsləhət görülmür, belə ki, bu, ksilometazolinin simpatomimetik təsirinin güclənməsinə səbəb ola bilər.

Hamiləlik və laktasiya dövründə istifadəsi

Hamiləlik Otrivin preparatının damardaraldıcı xüsusiyyətilə əlaqədar onu hamiləlik dövründə istifadə etmək olmaz. Laktasiya dövrü Ksilometazolinin ana südünə nüfuz etməsi məlum deyil. Laktasiya dövründə Otrivin preparatının istifadəsi, yalnız həkim təyinatı ilə mümkündür. Fertillik Otrivin preparatının fertilliyə təsiri üzrə müvafiq məlumat yoxdur. Heyvanlar üzərində nəzarət edilən tədqiqatlar əlçatan deyil. Ksilometazolinin sistem ekspozisiyası çox kiçik olduğu üçün fertilliyətəsiri az ehtimal edilir. Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri Ksilometazolinin uzun müddət və yüksək dozada istifadəsi zamanı kardiovaskulyar effektli mümkün sistem təsirlər istisna edilmir.

İstifadə qaydası və dozası

Böyüklər və 12 yaşdan yuxarı uşaqlar Hər burun keçəcəyinə 1 püskürtmə təyin edilir. Ehtiyacolduqda, təkrarlamaq olar. Gündə 3 dəfədən artıq istifadə etmək olmaz. Axırıncı dozanı yatmazdan əvvəl istifadə etmək məsləhət görülür. Otrivin preparatını 1 həftədən artıq istifadə etmk olmaz, belə ki, uzun müddətli istifadəsi medikamentoz rinitə səbəb ola bilər. İstifadə etməzdən əvvəl burun keçəcəklərini yaxşıca təmizləmək lazımdır. Qapağı çıxartmaq lazımdır. İlk dəfə istifadədən əvvəl püskürtməyə başlayana qədər bir neçə dəfə püskürdücüyə basmaq lazımdır. Sonrakı istifadədə sprey artıq istifadəyə hazır vəziyyətdə olacaq. Püskürdücüni bir neçə dəfə basdıqdan sonra püskürtmə tam şəkildə icra olunmadıqda, məsələn, spreyin istifadəsini müvəqqəti dayandırdıqdan sonra yenidən püskürdücüyə 4 dəfə basmaq lazımdır. Ucluq burun keçəcəyinə yerləşdirilir, cəld şəkildə 1 dəfə püskürdücüyə basmaq lazımdır və eyni zamanda çox da dərin olmayan nəfəs almaq lazımdır, bu, spreyin burun boşluğunda optimal şəkildə paylanmasını təmin edir. İstifadə edildikdən sonra qoruyucu qapağı yenidən taxmaq vacibdir.

Əlavə təsirləri

Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 – < 1/10); bəzən (≥ 1/1000 – < 1/100); nadir hallarda (≥ 1/10000 – < 1/1000); çox nadir hallarda (< 1/10000); məlum deyil (əldə olan məlumatlar görə tezliyi qiymətləndirmək mümkün deyil). İmmun sistemdə baş verən pozğunluqlar: çox nadir hallarda-hiperhəssaslıq reaksiyaları (səpgi, qaşınma, angionevrotik ödem). Hər qrup çərçivəsində əlavə təsirlər ciddiliyinin azalması sırasında təqdim edilib. Sinir sistemində baş verən pozğunluqlar: tez-tez-başarğı. Görmə orqanında baş verən pozğunluqlar: çox nadir hallarda-görmənin müvəqqəti pisləşməsi. Ürək-damar sistemində baş verən pozğunluqlar: çox nadir hallarda-qeyri-müntəzəm və ya yüksəlmiş ÜYT, hipertoniya, aritmiya. Tənəffüs sistemində baş verən pozğunluqlar: tez-tez-quruluq, diskomfort, burunun selikli qişasında yanma hissi, medikamentoz rinit. MBT-də baş verən pozğunluqlar: tez-tez-ürəkbulanma. Ümumi pozğunluqlar: tez-tez-istifadə nahiyəsində yanma. İçlik vərəqədə sadalanan və ya qeyd edilməyən əlavə təsirlərin təzahürü zamanı həkimə müraciət etmək vacibdir.

Doza həddinin aşılması

Preparatın həddindən artıq yerli istifadəsi və ya təsadüfi udulması aşağıdakı simpatoloji təsirlərin inkişafına səbəb ola bilər, MSS-in zəifləməsi (məsələn, yuxululuq, koma) daxil olmaqla: hipertoniya və ya hipotoniya, taxikardiya və bradikardiya. Eləcə də, ürəkbulanma və qusma kimi mədə-bağırsaq sistemi tərəfindən baş verən simptomlar yaran bilər. Digər simptomlar: avazıma, həddindən artıq tərləmə, hipotermiya, bəbəyin daralması, tənəffüsün zəifləməsi, ataksiya və həyəcan. Həddindən artıq təsadüfən istifadəsinin ağır dərəcəli simptomları müşahidə edilməyib. Bir yenidoğulmuşda (2 həftəlik) 0,1%-li məhlulun hər burun dəliyinə 1 damcı istifadəsi komaya səbəb olmuşdur. Kiçik yaşlı uşaqlarda preparatın bədən çəkisinə görə 0,5 mq/kq istifadəsi müvafiq klinik simptomlara səbəb olmamışdır. Bədən çəkisinə 0,5 mq/kq-dan artıq istifadəsi üzrə məlumat olmadığı üçün ağır dərəcəli simptomların olması istisna edilmir. Belə hallarda təcrübəli həkim-klinisistlə və ya toksikoloji məlumat mərkəzilə məsləhətləşmədən sonra tibbi müşahidə və aktivləşdirilmiş kömürün bir dəfəlik dozasının qəbulu göstərişdir. Hər hansı antidot yoxdur. Bradikardiyanı atropinin köməyilə müalicə etmək olar.

Buraxılış forması

10 ml məhlul, ucluğu olan pompalı dozalayıcı qurğu və qoruyucu polietilen qapaqla təhciz edilmiş yüksək sıxlıqlı polietilen flakonda. 1 flakon içlik vərəqə ilə birlikdə karton qutuya qablaşdırılır.

Saxlanma şəraiti

25ºC-dən yüksək olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

2 il 6 ay. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır. İstehsalçı/Qeydiyyat vəsiqəsinin sahibi GSK Consumer Healthcare S.A., Switzerland. Route de l`Etraz, 1260 Nyon, Switzerland. Dərman vasitələrinin istifadəsi zamanı yaranan əlavə təsirlər haqqında məlumatlar Azərbaycan Respublikası Səhiyyə Nazirliyi Analitik Ekspertiza Mərkəzinin Farmakonəzarət Şöbəsinə verilməlidir (Ünvan: AZ1065, Azərbaycan Respublikası; Bakı şəh., Cəfər Cabbarlı küç., 34.; Faks: (99412) 596-07-16 ; e-mail: [email protected]; Tel.:(99412)596-05-20 Qaynar xətt (99412) 596-07-12). Ticarət nişanı GSK şirkətinə məxsusdur və ya onun lisenziyası ilə istifadə edilir. ©2018 GSK şirkəti qrupu və ya onun lisenziyasına icazəli şəxs.