NATRIUM XLORID 0,9% 400 ML SISTEM YURIYA FARM

Dərman vasitəsinin istifadəsi üzrə təlimat (xəstələr üçün)

NATRİUM XLORİD infuziya üçün məhlul Beynəlxalq patentləşdirilməmiş adı: Sodium chloride

Tərkibi

Təsiredici maddə: 1 ml məhlulun tərkibində 9,0 mq natrium xlorid vardır. Köməkçi maddələr: inyeksiya üçün su. Nəzəri osmolyarlığı 308 mosmol/l. + – 1 litr preparatın ion tərkibi – Na – 154 mmol, Cl – 154 mmol.

Təsviri

Şəffaf, rəngsiz mayedir. Farmakoerapevtik qrupu Qanəvəzedici və perfuzion məhlullar. Elektrolit məhlulları. ATC kodu: В05ХА03.

Farmakoloji xüsusiyyətləri

Farmakodinamikası 0,9%-li natrium xlorid məhlulu insan orqanizmində su-duz balansını normalaşdırır və dehidratasiya nəticəsində və ya geniş sahəli yanıqlar və zədələnmələr ocaqlarında, qarın boşluğu orqanları üzərində aparılan əməliyyatlar və peritonit zamanı hüceyrədənkənar mayenin toplanması nəticəsində inkişaf edən maye çatışmazlığını aradan qaldırır. 0,9%-li natrium xlorid məhlulu toxuma perfuziyasını yaxşılaşdırır, massiv qanaxmalar zamanı və şokun ağır formalarında hemotransfuziya tədbirlərinin effektivliyini yüksəldir. Bundan əlavə, maye həcminin qısamüddətli artırılması, qanda toksik məhsulların konsentrasiyasının aşağı düşməsi və diurezin aktivləşdirilməsi nəticəsində dezintoksikasiyaedici effekt meydana çıxır. Farmakokinetikası Qan-damar sistemindən sürətlə xaric olunur. Damar mənfəzində preparat qısa müddət ərzində saxlanılır və sonra interstisial və hüceyrədaxili sektora keçir. Orqanizmə yeridildikdən 1 saat sonra, istifadə edilən məhlulun damarlarda yalnız yarısı qalır. Duzlar və maye böyrəklər vasitəsi ilə cox sürətlə xaric olunur və bununla diurezi gücləndirirlər.

İstifadəsinə göstərişlər

Orqanizmdə maye çatışmazlığını tamamlamaq üçün, intensiv terapiya tədbirləri ilə kompleks şəkildə və digər bir-biri ilə uyğun dərman preparatlarının həlledicisi kimi istifadə olunur. Yaraların, burun boşluğunun yuyulması üçün yerli və eləcədə, kateterlərin və transfuziya üçün sistemlərin yuyulması üçün istifadə oluna bilər.

Əks göstərişlər

Hiperhidratasiya, hiperxloremiya, hipernatriemiya, xlorid asidoz, ağciyər ödeminin inkişaf etmə təhlükəsi ilə əlaqəli vəziyyətlər. Preparatı, oftalmoloji əməliyyatlar zamanı gözləri yumaq üçün istifadə etmək olmaz.

Xüsusi göstərişlər və ehtiyat tədbirləri

Preparatı uzun müddət ərzində, xüsusilə, böyük həcmlərdə istifadə etdikdə, qan plazmasında və sidikdə elektrolitlərin səviyyəsinə və eləcədə, diurezə nəzarət etmək lazımdır. Böyrəklərin ifrazedici funksiyasının pozulmasından və dekompensasiya olunmuş ürək qüsurlarından əziyyət çəkən pasiyentlərdə və eləcədə, qaraciyər sirrozundan əziyyət çəkən pasiyentlərdə ödemli-assit sindromu inkişaf etdiyi halda preparatı ehtiyatla istifadə etmək lazımdır. Kortikosteroidlərlə və ya kortikotropinlə eyni zamanda istifadə etdikdə, qanda elektrolitlərin səviyyələrini daimi nəzarət altında saxlamaq tələb olunur. Şok vəziyyətlərində və qan itkisi baş verdiyi hallarda, 0,9%-li natrium xlorid məhlulu ilə eyni zamanda hemotransfuziyanı, plazma və plazmaəvəzedici məhlulların köçürülməsini həyata keçirmək olar.

Digər dərman vasitələri ilə qarşılıqlı təsiri

Preparatın digər dərman preparatlarının əksəriyyəti ilə birlikdə istifadəsi uyğundur və bu səbəbdən, həlledici kimi natrium xloridlə uyğun olmayan preparatlar istisna olmaqla, müxtəlif dərman preparatlarının həll edilməsi üçün göstərilən preparatı istifadə etmək olar. Uyuşmazlığı Müəyyən edilməmişdir.

Hamiləlik və laktasiya dövründə istifadəsi

Göstərişlərə müvafiq istifadə etmək olar. Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri Heç bir təsiri yoxdur.

İstifadə qaydası və dozası

Preparat vena daxilinə, rektal yolla və xaricə istifadə etmək üçün nəzərdə tutulmuşdur. Vena daxilinə məhlulu damcı üsulu ilə sutkada 3 litrə qədər və daha cox həcmdə, klinik vəziyyətdən və maye itkisi səviyyəsindən asılı olaraq, 4-10 ml/kq/saatda sürətlə təyin etmək lazımdır. Preparatı peroral yolla istifadə etmək olar. Məhlulu 75-100 ml dozada imalə şəklində təyin etmək olar. Yaraların və selikli qişaların yuyulması üçün istifadə edilir. Pediatriyada istifadəsi Uşaqlara şokla əlaqəli dehidratasiya zamanı (laborator göstəriciləri müəyyən etmədən) preparatı 20-30 ml/kq bədən kütləsinə dozada istifadə etmək lazımdır. Gələcəkdə, laborator göstəricilərdən asılı olaraq, dozalanma rejimini dəyişmək olar. Preparatın ümumi sutkalıq dozası su-elektrolit balansından asılıdır.

Əlavə təsirləri

Dərman preparatını düzgün istifadə etdikdə, əlavə təsirlər müşahidə olunmur. Massiv infuziyalar həyata keçirildikdə, xlorid asidozun inkişaf etməsi mümkündür.

Doza həddinin aşılması

Doza həddinin aşılması xlorid asidozun inkişaf etməsinə, orqanizmdən kaliumun xaric olunmasına, hiperhidratasiyanın və hipervolemiyanın baş verməsinə gətirib çıxara bilər və bunun nəticəsində ürək çatışmazlığı inkişaf edə bilər. Qeyd olunan vəziyyətlərin simptomları meydana çıxdığı halda, pasiyentin vəziyyətini qiymətləndirmək və müvafiq tədbirlər görmək lazımdır.

Buraxılış forması

200 ml və ya 400 ml flakonlarda. 100 ml, 200 ml, 250 ml, 400 ml, 500 ml və 1000 ml polimer konteynerlərdə.

Saxlanma şəraiti

25°C-dən yuxarı olmayan, orijinal qablaşmada, temperaturda və uşaqların əli çatmayan yerdə saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

“Yuriya-Farm” MMC. Ünvan Ukrayna, 18030, Çerkassk vilayəti, Çerkassı şəh., Kobzarskaya küç., 108. Tel.: +38 (044) 281-01-01.

Qeydiyyat vəsiqəsinin sahibi

“Yuriya-Farm” MMC. Ünvan Ukrayna, 03680, Kiyev şəh., N. Amosov küç., 10.