Cralonin 30 ml damcı

Dərman vasitəsinin istifadəsi üzrə təlimat (xəstələr üçün)

KRALONİN daxilə qəbul edilən, damcı

Tərkibi

Təsiredici maddələr: 100 ml-in tərkibində vardır: Crataegus Ø 70 ml, Spigelia anthelmia D2 1 ml, Kalium carbonicum D3 1 ml. Tərkibində 45 həcm %-i spirt vardır. Köməkçi maddələr: təmizlənmiş su, etanol 96%.

Təsviri

Şəffaf, qırmızımtıl – qəhvəyi rəngli və aromatik iyli məhluldur. Çöküntü verə bilər.

Farmakoterapevtik qrupu

Homeopatik dərman vasitəsi. Digər ürək kobminasiyalı məhsullar. ATC kodu: C01EX.

Farmakoloji xüsusiyyətləri

Farmakodinamikası Tək təsiredici maddələrin klinik təsvirinə əsaslanan homeopatik dərman maddələrinin və dərman vasitələrinin təsir mexanizmi, təbii özünü tənzimləmə proseslərin dəstəklənməsi və ya modulyasiyası ilə izah edilə bilər. Farmakokinetikası Homeopatik dərman vasitələrində adətən potensiya olunmuş təsiredici maddələr olur. Homeopatik təsiredici maddələrin və homeopatik preparatların dozadan asılı təsirləri olmadığından, farmakologiya ilə əlaqəli farmakokinetik profili haqqında məlumat yoxdur.

İstifadəsinə göstərişlər

Senil ürək, ürək əzələsinin zədələnməsinin nəticələri, ürək funksiyasının sinir mənşəli pozulmaları, ürək nahiyəsində deşici ağrı və digər ürək ağrıları (məsələn, anginal şikayətlər).

Əks göstərişlər

Preparatın tərkibində olan komponentlərdən hər hansı birinə qarşı allergiya (yüksək həssaslıq).

Xüsusi göstərişlər və ehtiyat tədbirləri

Əgər siz ciddi ürək problemindən əziyyət çəkirsinizsə bu preparatı istifadə etməzdən əvvəl həkimlə məsləhətləşin. Əgər sizdə təngnəfəslik və ya ürək nahiyəsində qollara, bədənin yuxarı hissələrinə və ya boğaza yayılan ağrı varsa, dərhal həkimə müraciət edin. Əgər simptomlar yüngülləşməzsə və ya kəskinləşərsə, o zaman həkiminizlə və ya tibb mütəxəssisi ilə məsləhətləşin.

Digər dərman vasitələri ilə qarşılıqlı təsiri

Heç bir qarşılıqlı təsir qeydə alınmamışdır və homeopatik durulaşdırılmalar səbəbilə hər hansı qarşılıqlı təsir gözlənilmir. Həkiminiz son vaxtlarda qəbul etdiyiniz bütün dərman vasitələri ilə bağlı (hətta onlar reseptsiz buraxılan dərman vasitələri olsalar da) məlumatlandırılmalıdır.

Hamiləlik və laktasiya dövründə istifadəsi

Bu preparatda təqdim olunan homeopatik durulaşmış maddələrin hamiləlik və laktasiya müddətində toksiki təsiri haqda məlumat yoxdur. Bütün dərman vasitələri kimi, hamiləlik və laktasiya dövründə bu preparatı istifadə etməzdən öncə öz həkiminiz və müalicə edən mütəxəssislə məsləhətləşin. Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri Nəqliyyat vasitəsini və digər potensial təhlükəli mexanizmləri idarəetmə qabiliyyətinə heç bir təsir göstərmir.

İstifadə qaydası və dozası

Digər təyinat yoxdursa Standart doza Böyüklər (və 12 yaşdan yuxarı uşaqlar): 10 damcı gündə 3 dəfə. Pediatriya 2 yaşından kiçik: 3 damcı gündə 3 dəfə. 2-5 yaş: 5 damcı gündə 3 dəfə. 6-11 yaş: 7 damcı gündə 3 dəfə. Kəskin və ya başlanğıc doza Böyüklər (və 12 yaşdan yuxarı uşaqlar): 10 damcı hər 30 dəq. yaxud 1 saatdan bir – gündə 12 dəfəyə qədər, sonra isə standart doza ilə davam edilir. Pediatriya 2 yaşından kiçik: 2 damcı hər 30 dəq. yaxud 1 saatdan bir – gündə 12 dəfəyə qədər, sonra isə standart doza ilə davam edilir. 2-5 yaş: 5 damcı hər 30 dəq. yaxud 1 saatdan bir – gündə 12 dəfəyə qədər, sonra isə standart doza ilə davam edilir. 6-11 yaş: 7 damcı hər 30 dəq. yaxud 1 saatdan bir – gündə 12 dəfəyə qədər, sonra isə standart doza ilə davam edilir. Qəbul qaydası Bu preparat qida qəbulundan əvvəl və ya sonra qəbul olunmalıdır. Uşaqlar üçün damcıları az miqdar suya əlavə etmək olar.

Əlavə təsirləri

Bütün dərman vasitələri kimi, bu homeopatik preparat da əlavə təsirlərə səbəb ola bilər, lakin bu hamıda müşahidə olunmur. Ayrı ayrı hallarda keçici dəri allergik reaksiyaları bildirilmişdir.

Doza həddinin aşılması

Doza həddinin aşılması haqqında məlumat yoxdur və homeopatik durulaşdırılmalar səbəbilə heç bir hadisə gözlənilmir. Əgər tövsiyə olunan dozanı aşmısınızsa, həkimə müraciət edin.

Yararlılıq müddəti

Yararlılıq müddəti qablaşdırıldığı qutunun üzərində göstərilmişdir. Yararlılıq müddəti bitdikdən sonra istifadə etmək olmaz.

Saxlanma şəraiti

25°C-dən yüksək olmayan temperaturda və uşaqların əli çatmayan yerdə saxlamaq lazımdır.

Buraxılış forması

30 ml məhlul, şüşə flakonda. 1 flakon içlik vərəqə ilə birlikdə karton qutuya qablaşdırılır.

Aptekdən buraxılma şərti

Reseptsiz buraxılır. İstehsalçı/Qeydiyyat vəsiqəsinin sahibi Biologische Heilmittel Heel GmbH. Dr.-Reckeweg-Strasse 2-4 76532 Baden-Baden, Germany. Azərbaycanda rəsmi distribyuter Planeta PCC.