SOMAZINA PAKET N6

Dərman vasitəsinin istifadəsi üzrə təlimat (xəstələr üçün)

SOMAZİNA oral məhlul Beynəlxalq patentləşdirilməmiş adı: Citicoline

Tərkibi

Təsiredici maddə : 10 ml məhlulun tərkibində 1000 mq sitikolin (sitikolin natrium şəklində) vardır. Köməkçi maddələr: sorbitol 70%-li (kristallaşan maye), qliserin, metilparahidroksibenzoat (nipagin), propilparahidroksibenzoat (nipasol), qliserol formal, natrium sitrat, natrium saxarat, ponso qırmızı 4R, çiyələk dadlandırıcısı 1487-S, kalium sorbat, susuz limon turşusu (50% məhlul şəklində), təmizlənmiş su.

Təsviri

Açıq çəhrayı rəngli, yüngül çiyələk qoxulu məhluldur.

Farmakoterapevtik qrupu

Psixoanaleptiklər; Digər psixostimulyator və nootrop preparatlar. ATC kodu: N06BX06.

Farmakoloji xüsusiyyətləri

Farmakodinamikası Sitikolin neyronal membranın struktur fosfolipidlərinin sintezini stimulə edir. Bu təsirinə görə sitikolin, neyrotransmissiyanın düzgün həyata keçirilməsi üçün zəruri olan və membran mexanizmlərindən asılı olan sinir hüceyrəsinin ion mübadiləsi kanallarının və onlarla bağlı olan reseptorların funksiyalarını yaxşılaşdırır. Membranstabilizəedici xüsüsiyyəti nəticəsində serebral ödem əleyhinə təsir göstərir. Klinik tədqiqatlar zamanı sitikolinin qəbulu nəticəsində hipoksiya və beyin işemiyasının yaddaş pozğunluğu, emosional labillik, iş qabiliyyətinin itirilməsi, gündəlik həyatda və özünə qulluqda çətinlik kimi simptomların zəifləməsi və aradan qalxması müşahidə olunmuşdur. Klinik tədqiqatlar zamanı sitikolinin qəbulu həmçinin degenerativ və ya vaskulyar etiologiyalı neyrofizioloji fəsadlar olan qavrama, davranış pozulmalarının yüngülləşməsi ilə nəticələnmişdir. Farmakokinetikası Daxilə qəbul edilən sitikolin yüksək biomənimsənilmə göstəricilərinə malikdir.

İstifadəsinə göstərişlər

İnsult, beyin qan dövranının kəskin və yarımkəskin mərhələlərində nevroloji pozulmaların fəsadlaşması; kəllə-beyin travmaları. Degenerativ və ya vaskulyar etiologiyalı qavrama, davranış pozulmalarının müalicəsi.

Əks göstərişlər

Sitikolinə qarşı yüksək həssaslığı olan, habelə parasimpatomimetik vasitələrin istifadəsi zamanı hipertenziya yaranan, parasimpatik tonusun yüksək olduğu şəxslərdə əks göstərişdir. Kifayət qədər məlumatlar olmadığı üçün 18 yaşa qədər uşaqlarda əks göstərişdir.

Xüsusi göstərişlər və ehtiyat tədbirləri

Hər hansı bir ehtiyyat tədbirləribə ehtiyac yoxdur.

Digər dərman vasitələri ilə qarşılıqlı təsiri

Tərkibində meklofenaksat olan hər hansı bir preparatla birgə istifadə edilməməlidir. Sitikolin levodopanın təsirini gücləndirir.

Hamiləlik və laktasiya dövründə istifadəsi

Hamilə qadınlarda istifadəsinə aid məlumat olmadığından, preparatın hamiləlik dövründə təyin edilməsi məsləhət görülmür; anaya göstərilən fayda dölə ehtimal olunan riskdən üstün olan hallar istisna təşkil edir. Laktasiya dövründə istifadədən qaçınılmalıdır. Nəqliyyat vəsitələrini və digər potensial təhlükəli mexanizmləri idarəetmə qabiliyyətinə təsiri Hec bir təsiri müşahidə edilməyib. Bəzi hallarda mərkəzi sinir sistemi tərəfindən baş verən əlavə təsirlər nəqliyyat vasitələrini və digər potensial təhlükəli mexanizmləri idarəetmə qabiliyyətinə mənfi təsir edə bilər.

İstifadə qaydası və dozası

Böyüklərdə: simptomların ağırlığından asılı olaraq müalicə üçün gündə 1 dəfə 1-2 paket təyin olunur. Somazina bilavasitə ya da yarım stakan suda (120 ml) həll olunaraq, yemək zamanı və yaxud yeməkdən sonra istifadə oluna bilər. Yaşlılarda istifadəsi: yaşlı şəxslərdə dozanın xüsusi korreksiyası tələb olunmur. Uşaqlarda istifadəsi: uşaqlarda istifadəsinə aid kifayət qədər məlumat olmadığından, Somazina paketi həkimin xüsusi göstərişi olmadan (gözlənilən fayda mümkün olan riski üstələdikdə) uşaqlarda istifadə olunmamalıdır. Əlavə təsirlər Çox nadir hallarda yüngül mədə-bağırsaq pozulmaları, allergik reaksiyalar, qızdırma, səpgi, qaşınma, başgicəllənmə, baş ağrısı, hallüsinasiya, yuxusuzluq, ürəkbulanma, qusma, diareya, iştahanın azalması, təngnəfəslik və qaraciyər fermentlərinin aktivliyinin dəyişməsi haqqında məlumat verilmişdir.

Doza həddinin aşılması

Sitikolinin dozasının həddən artıq olması haqqında heç bir məlumat verilməmişdir.

Buraxılış forması

10 ml oral məhlul, paketdə. 6 paket içlik vərəqə ilə birlikdə karton qutuya qablaşdırılır.

Saxlanma şəraiti

30°C-dən aşağı temperaturda, orijinal qablamasında və uşaqların əli çatmayan yerdə saxlamaq lazımdır. Yararlıq müddəti 2 il. Yararlıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

Ferrer Internacional, S.A., Spain. Joan Buscalla, 1-9 08173 Sant Cugat del Valles (Barcelona), Spain.

Qeydiyyat vəsiqəsinin sahibi

Ferrer Internacional, S.A., Spain. Gran Via Carlos III, 94 08028 Barcelona, Spain.