Siston N100 tablet

Dərman vasitəsinin istifadəsi üzrə təlimat (xəstələr üçün)

SİSTON tabletlər

Tərkibi

Təsiredici maddələr: 1 tabletin tərkibində: Ekstraktlar: didimokarpus (didymocarpus pedicellata) 65 mq, daşqıran (saxifraga ligulata) 49 mq, marena (rubia cordifolia) 16 mq, cil (cyperus scariosus) 16 mq, qaba saman çiçəyi (achyranthes aspera) 16 mq, onosma (onosma bracteatum) 16 mq, vernoniya (vernonia cinerea) 16 mq. Tozlar: silisium əhəngi (hajrul yahood bhasma) 16 mq, təmizlənmiş şilajit (shilajeet (purified)) 13 mq. Təsiredici maddələrdən ibarət tərkib aşağıdakı dərman bitkilərindən alınan ekstraktın buxarı ilə işlənmişdir: reyhan (ocimum basilicum), dəmir tikanı (tribulus terrestris), utancaq mimoza (mimosa pudica), at taxılı (dolichos biflorus), ətirli pavoniya (pavonia odorata), at quyruğu (equisetum arvense), tik ağacı toxumu (tectona grandis seed). Köməkçi maddələr: maqnezium stearat, mikrokristallik sellüloza, natrium karboksimetilsellüloza, krospovidon, susuz kolloidal silisium dioksid.

Təsviri

Ləkəli görünüşlü, ağ rəngdən qəhvəyi rəngə kimi, iki tərəfi qabarıq formalı tabletlərdir.

Farmakoterapevtik qrupu

Bitki mənşəli preparat. Litolitik, uroantiseptik vasitə. ATC kodu: G04BX.

Farmakoloji xüsusiyyətləri

Siston sidiyin litogen maddələrlə doymasının qarşısını alır, kristal-kolloid tarazlığını bərpa edir, oksamidlərin (daş əmələ gəlməsini sürətləndirən maddələr) bağırsaqdan sorulmasına nəzarət edir. Preparat daş əmələ gətirən maddələrin: oksalat turşusu, kalsium hidroksipirolin və s. miqdarını azaltmaqla daşların əmələ gəlməsini ləngidir. Siston kristal hissəciklərini birləşdirən mutsinə təsir edərək, konkrementlərin parçalanmasına səbəb olur. Mikrobəleyhinə təsir göstərdiyi üçün, preparat sidikçıxarıcı yollarda sidikdaşı xəstəliyi və kristalluriya fonunda əmələ gələn infeksiyaların qarşısını alır. Spazmolitik və iltihab əleyhinə təsirinə görə Siston duzların və xırda konkrementlərin xaric olmasına və böyrək sancıları, sidik ifrazı zamanı yaranan yanma və ağrı hissiyyatının aradan qalxmasına səbəb olur.

İstifadəsinə göstərişlər

1. Sidikdaşı xəstəliyi – oksalat daşları – fosfat daşları – uratlar və sidik turşusu duzları – kristalluriya – qarışıq kristallar – qlikol turşuları – cərrahi əməliyyatdan sonrakı ağırlaşmaların qarşısının alınması. 2. Köməkçi vasitə kimi: – sidik yollarının infeksiyaları – hamiləlik zamanı sidik yollarının infeksiyaları – qeyri-spesifik uretrit – sistit, pielit – sidik ifrazı zamanı ağrı və yanma hissi olduqda – podaqra və hiperurikemiya 3. Qadınlarda sidik saxlamamanın kəskin formaları

Əks göstərişlər

Preparatın komponentlərinə qarşı yüksək həssaslıq. Sidik yollarında kəskin ağrı. 2 yaşadək uşaqlar.

Xüsusi göstərişlər və ehtiyat tədbirləri

Böyük ölçülü konkrementlərlə obstruksiya təhlükəsi olduqda istifadəsi məqsədə uyğun deyil.

Digər dərman vasitələri ilə qarşılıqlı təsiri

Eksperimental tədqiqatlar göstərir ki, Siston sulfametoksazol, trimetoprim və norfloksasinin biomənimsənilməsinə təsir göstərir. Bu səbəbdən yuxarıda göstərilən dərmanlarla Sistonun eyni zamanda istifadəsi zamanı dozada dəyişikliyə ehtiyac ola bilər.

Hamiləlik və laktasiya dövründə istifadəsi

Preparat hamiləlik və laktasiya dövründə istifadə oluna bilər.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir göstərmir.

İstifadə qaydası və dozası

Daxilə. Böyrək daşı xəstəliklərinin kompleks müalicəsi (oksalat, fosfat, urik turşusu və urat): Böyüklərə və 14 yaşdan böyük uşaqlara – 2 tabletdən; 2-6 yaşlı və 6-14 yaşlı uşaqlara – 1 tabletdən gündə 3 dəfə 3-4 ay ərzində. Müalicənin davamı olaraq 1 tabletdən (böyüklərə və 14 yaşdan böyük uşaqlara); ¼ tabletdən (2-6 yaşlı uşaqlara) və ½ tabletdən (6-14 yaşlı uşaqlara) gündə 2 dəfə daşlar xaric olanadək. Sidikçıxarıcı yolların infeksiyalarının kompleks müalicəsi: Böyüklərə və 14 yaşdan böyük uşaqlara – 2 tabletdən; 2-6 yaşlı uşaqlara ½ tabletdən; və 6-14 yaşlı uşaqlara 1 tabletdən. gündə 3 dəfə 4-6 həftə ərzində. Sidikçıxarıcı yolların residiv infeksiyalarının kompleks müalicəsi: Böyüklərə və 14 yaşdan böyük uşaqlara – 1 tabletdən; 2-6 yaşlı uşaqlara – ¼ tabletdən; və 6-14 yaşlı uşaqlara – ½ tabletdən gündə 2 dəfə 6-12 həftə ərzində. Böyrək daşlarının formalaşmasının qarşısını almaq məqsədilə: Böyüklərə və 14 yaşdan böyük uşaqlara – 1 tabletdən; 2-6 yaşlı uşaqlara – ¼ tabletdən; və 6-14 yaşlı uşaqlara – ½ tabletdən gündə 3 dəfə 4-5 ay ərzində.

Əlavə təsirləri

Aşkar olunmayıb.

Doza həddinin aşılması

Aşkar olunmayıb.

Buraxılış forması

100 tablet üzərində «H» loqosu olan, çirkli-yaşıl qapaqlı şəffaf olmayan ağ rəngli HDPE flakonda. Hər flakon içlik vərəqə ilə birlikdə karton qutuya qablaşdırılır.

Saxlanma şəraiti

30ºC-dən aşağı temperaturda, işıqdan qorunan yerdə saxlamaq lazımdır. Uşaqların əli çatmayan yerdə saxlamaq lazımdır. Dondurmaq olmaz.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Rеsеptsiz buraxılır.

İstehsalçı

«The Himalaya Drug Company». Makali, Banqalor – 562 162, Hindistan. www.himalayawellness.com ® – qeydiyyata alınmış ticarət nişanı Azərbaycanda rəsmi distribyutor «TETRADA» MMC – dir. AZ1102, 20Yanvar küçəsi, 14; Bakı, Azərbaycan Теl.:(+994 12) 431-59-24, 431-05-41. Faks: (+994 12) 430-80-51. Е-mail: [email protected] www.tetrada-az.com