Prostatilen 2 mq N10 inyeksiya

Dərman vasitəsinin istifadəsi üzrə təlimat (xəstələr üçün)

PROSTATİLEN-BİOFARMA inyeksiya məhlulu hazırlamaq üçün liofilizat Beynəlxalq patentləşdirilməmiş adı: Prostate extract

Tərkibi

Təsiredici maddə: 1 flakonda 2 mq öküzlərin prostat vəzisinin ekstraktının sulu məhlulundan ekstraksiya yolu ilə alınmış liofilizəolunmuş toz vardır. Köməkçi maddələr: qlisin.

Təsviri

Amorf toz və ya ağ və ya ağımtıl-sarı çalarlı məsaməli kütlədir.

Farmakoterapevtik qrupu

Prostat vəzinin xoşxassəli hiperplaziyasında istifadə edilən vasitələr. ATC kodu:G04CX. Farmakoloji xüsusiyyətləri. Farmakodinamikası Prostatilen prostat vəziyə spesifik orqanotrop təsir göstərir. Prostat vəzinin xəstəliklərində preparat patogenetik müalicə vasitəsi qismində mikrosirkulyasiya proseslərini və trombositar-damar hemostazı normallaşdırır, toxumaların ödemini, leykositar infiltrasiyanı (o cümlədən vəzin sekretində leykositlərin səviyyəsini azaldır) azaldır və aradan qaldırır, sekret mikroflorasına dolayı bakteriostatik təsir göstərir, aşkar olunmuş törədicinin titrini tam sterilliyə qədər azaldır və ya mikroorqanizmlərin həyat fəaliyyətini zəiflədir. Prostatilen spermatogenezi normallaşdırır (spermatozoidlərin miqdarını və hərəkətliliyini artırır), T- və B-limfositlərin vəziyyətinə moduləedici təsir göstərir, sidik kisəsinin əzələ tonusunu tənzimləyir, detruzorun tonusu daxil olmaqla, orqanizmin qeyri-spesifik rezistentliyini artırır. Farmakokinetikası Peptid preparat olan Prostatilen hüceyrə proteazalarla aminoturşulara qədər parçalanır. Prostatilen və onun metabolitləri sidiklə ekskresiya edilir. Preparatın kumulyativ effekti yoxdur.

İstifadəsinə göstərişlər

Xroniki prostatit, prostat vəzinin adenoması, onun funksiyalarının yaş ilə bağlı pozulmaları və bununla əlaqədar sidik ifrazı aktının pozulmaları, prostat vəzinin əməliyyatdan sonrakı ağırlaşmaları; interoseptiv kopulyativ disfunksiya; kişi sonzuzluğu.

Əks göstərişlər

Preparatın istənilən komponentinə qarşı və iribuynuzlu qaramal zülallarına qarşı yüksək fərdi həssaslıq.

Xüsusi göstərişlər və ehtiyat tədbirləri

Preparatla müalicə zamanı prostat vəzinin aktivliyinin klinik göstəricilərinin analizi məsləhət görülür (prostatspesifik antigen).

Digər dərman vasitələri ilə qarşılıqlı təsiri

Öyrənilməyib. Uyuşmazlığı Preparatı digər dərman vasitələri ilə bir şprisdə qarışdırmaq olmaz. Yalnız tövsiyə edilən həlledicilərdən istifadə edilməlidir.

Hamiləlik və laktasiya dövründə istifadəsi

Preparat qadınlarda istifadə edilmir. Pediatriyada istifadəsi Preparat uşaqlarda istifadə edilmir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Tədqiq edilməyib.

İstifadə qaydası və dozası

Böyük, o cümlədən yaşlı kişilərdə müalicə üçün istifadə edilir. Əzələ daxilinə yeridilir. İstifadədən əvvəl flakonun içərisindəki liofilizat 1-2 ml inyeksiya üçün suda və ya 0,9%-li natrium xlorid məhlulunda və ya 0,5%-li novokain məhlulunda həll edilir. Həlledici kimi novokaindən istifadə edildikdə, novokainlə bağlı təhlükəsizlik barədə məlumatı nəzərə almaq lazımdır. Preparat hər gün yeridilir, sutkada 1 dəfə 1-2 flakon təyin edilir. Müalicə kursu 5-10 gün təşkil edir. Ehtiyac olduqda, təkrar kurs aparılır (1-6 aydan sonra).

Əlavə təsirləri

Qaşınma, səpgi daxil olmaqla, allergik reaksiyalar mümkündür; yeridilmə nahiyəsində dəyişiklik.

Doza həddinin aşılması

Öyrənilməyib. Buraxılış forması. Liofilizəolunmuş toz, flakonda. 5 flakon, blisterdə. 2 blister, içlik vərəqə ilə birlikdə karton qutuya qablaşdırılır.

Saxlanma şəraiti

25ºC-dən yüksək olmayan temperaturda, işıqdan qorumaq məqsədilə orijinal qutusunda və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

“Biofarma ƏZ” MMC, Ukrayna. Ünvan Ukrayna, 09100, Kiyev vilayəti, Belaya Serkov ş., Kiyev k. 37.