Kestres forte N30 tablet

Dərman vasitəsinin istifadəsi üzrə təlimat (xəstələr üçün)

KESTRES FORTE tabletlər

Tərkibi

Təsiredici maddələr: 1 tabletin tərkibində 150 mq Tikanlı yemişan hamaşçiçəyi (Crataegi inflorescentia), 30 mq yemişan meyvələri (Crataegi fructus), 100 mq damotu (Leonuri herba), 40 mq xəşəmbul otu (Meliloti herba) vardır. Köməkçi maddələr: susuz kolloidal silisium dioksid, kartof nişastası. 1 tabletin tərkibində hiperozidə hesablamada 1,25 mq – dan az olmayaraq flavonoid vardır.

Təsviri

Hər iki tərəfi qabarıq, dairəvi, qeyri-bərabər yaşılımtıl-qəhvəyi rəngli tabletlərdir.

Farmakoloji xüsusiyyətləri

Yemişanın tərkibində olan farmakoloji aktiv maddələr tac damarlarda və miokardda qan dövranını gücləndirir. Preparat ürək yığılmalarının gücünü və sayını artırır (müsbət ino-, xrono-, dromotrop effektlərə və mənfi batmotrop təsirə malikdir). Əlavə olaraq sidikqovucu, ödeməleyhinə və sedativ təsir göstərir.

İstifadəsinə göstərişlər

Nevroz və nevrasteniyalar, neyrosirkulyator distoniya (NSD), həyəcan, qorxu, yuxu pozğunluqları, miqren, klimakterik və predmenstrual dövr. Yüngül və orta dərəcəli koronar çatışmazlıqlar, kardionevrozlar.

Əks göstərişlər

Preparatın komponentlərindən hər hansı birinə qarşı yüksək həssaslıq.

Xüsusi göstərişlər və ehtiyat tədbirləri

2 həftədən artıq istifadə etdikdə preparatın təkrar istifadəsinin məqsədəuyğunluğu haqqında həkimlə məsləhətləşmək lazımdır. Taxikardiya zamanı preparatdan istifadə həkim tərəfindən fərdi olaraq təyin olunur.

Digər dərman vasitələri ilə qarşılıqlı təsiri

Yoxdur.

Hamiləlik və laktasiya dövründə istifadəsi

Hamiləlik və laktasiya dövründə istifadəsinin mümkünlüyü haqqında həkimlə məsləhətləşmək lazımdır. Nəqliyyat vasitələrini və digər potensial təhlükəli mexanizmləri idarəetmə qabiliy- yətinə təsiri Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir etmir.

İstifadə qaydası və dozası

Gündə 3 dəfə yeməkdən sonra kifayət qədər su ilə 1-2 tablet qəbul edilir.

Əlavə təsirləri

Mədə-bağırsaq pozuntuları və allergik reaksiyalar mümkündür.

Doza həddinin aşılması

Baş ağrıları yarana bilər.

Buraxılış forması

10 tablet, blisterdə. 2, 3 və ya 5 blister, içlik vərəqə ilə birgə karton qutuya qablaşdırılır.

Saxlanma şəraiti

25°C-dən yüksək olmayan temperaturda və uşaqların əli çatmayan yerdə, bağlı qablaşdırmada saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseprsiz buraxılır.

İstehsalçı

Pharmaceutical Laboratory Labofarm. Ul. Lubichowska k. 176 b, 83-200 Starogard Gdanski, Polşa.