Furasilin 0,2 % 25 q məlhəm Borisov

Dərman vasitəsinin istifadəsi üzrə təlimat (xəstələr üçün)

FURASİLIN 2 mq/q xaricə istifadə üçün məlhəm FURACILIN Beynəlxalq patentləşdirilməmiş adı: Nitrofural

Tərkibi

Təsiredici maddə: 25 q məlhəmin tərkibində 0,05 q nitrofural (nitrofurazon) vardır. Köməkçi maddələr:ağ yumşaq parafin.

Təsviri

Sarı rəngli məlhəmdir.

Farmakoterapevtik qrupu

Antiseptiklər və dezinfeksiyaedici dərman vasitələri. Nitrofural törəmələri. ATC kodu: D08AF01.

İstifadəsinə göstərişlər

İrinli yaralar, yataq yaraları, xoralar, II və III dərəcəli yanıqlar, II-III dərəcəli donvurma, dərinin kiçik zədələnmələri (o cümlədən, sıyrıntı, cızılmalar, çatlar, kəsiklər).

Əks göstərişlər

Allergik dermatozlar, qanaxma, nitrofurala və nitrofuranın digər törəmələrinə qarşı yüksək həssaslıq.

Xüsusi göstərişlər və ehtiyat tədbirləri

Hamilə qadınlara, laktasiya dövründə və uşaqlara təyin edərkən, mümkün fayda/risk nisbətini qiymətləndirmək məsləhət görülür.

Digər dərman vasitələri ilə qarşılıqlı təsiri

Digər dərman vasitələri ilə neqativ qarşılıqlı təsiri qeyd edilməyib.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsinin təhlükəsizliyi sübut edilməyib. Pediatriyada istifadəsi Uşaqlarda preparatın istifadəsinin effektivliyi və təhlükəsizliyi barədə məlumat yoxdur. Dərman vasitəsini körpələrdə və azyaşlı uşaqlarda istifadə etmək məsləhət görülmür. Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri Müşahidə edilməyib.

İstifadə qaydası və dozası

II-III dərəcəli yanıqlar və donvurmaların müalicəsi zamanı məlhəm 2-3 gün ərzində dərinin üzərinə nazik təbəqə ilə gündə 1-3 dəfə sürtülür. Tənzif sarğı altında istifadəsi mümkündür. Antibakterial preparatların istifadəsi və təyinatı üzrə rəsmi tövsiyələri nəzərə almaq vacibdir.

Əlavə təsirləri

Yerli allergik reaksiyalar, dermatitlər mümkündür. Allergik reaksiyaların (qızartı, qaşınma, dermatit) simptomları yarandıqda, preparatın istifadəsini dayandırmaq və həkimə müraciət etmək lazımdır.

Doza həddinin aşılması

Aşkar edilməyib.

Buraxılış forması

25 q məlhəm, alüminium tubda. 1 tub içlik vərəqə ilə birlikdə karton qutuya qablaşdırılır.

Saxlanma şəraiti

25 ºС-dən yüksək olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı

“Borisov Dərman Preparatları Müəssisəsi” ASC. Belarus Respublikası, Minsk vilayəti, Borisov ş., Çapayev k., 64. Tel.: +375 (177) 735612.