BEFFA 2 ML № 10 (AMPULI) (REYOUNG PHARMACEUTICAL CO. LTD.) (KITAY)

Dərman vasitəsinin istifadəsi üzrə təlimat (xəstələr üçün)

BEFFA inyeksiya üçün məhlul

Tərkibi

Təsiredici maddə: 1 ampulda (2 ml) 20 mq tiamin hidroxlorid (Vitamin B1), 2 mq riboflavin natrium fosfat (Vitamin B2 natrium), 2 mq piridoksin hidroxlorid (Vitamin B6), 1 mq natrium D-pantotenat (Vitamin B5), 50 mq nikotinamid (Vitamin PP) vardır. Köməkçi maddələr:dinatrium edetat, tvin-80, inyeksiya üçün su.

Təsviri

Yaşıl flüoressensiyalı, şəffaf sarı rəngli məhluldur.

Farmakoterapevtik qrupu

Vitamin B kompleksi, digər kombinasiyalar. ATC kodu: A11EX.

Farmakoloji xüsusiyyətləri

Farmakodinamikası Tiamin hidroxlorid (Vitamin B1) suda həll olunan vitamindir. Karbohidrat mübadiləsinin kofermentidir. Riboflavin natrium fosfat (Vitamin B2) suda həll olunan vitamindir, orqanizmdə flavinmononukleotid və flavinadenindinukleotidə çevrilir və sonra oksidləşmə və reduksiya metabolik proseslərində koenzim kimi iştirak edir. Piridoksin hidroxlorid (Vitamin B6) suda həll olunan vitamindir. Karbohidrat və yağların metabolizmində iştirak edir, həmçinin hemoqlobininin yaranmasında vacib rol oynayır. Farmakokinetikası Bütün təsiredici maddələr suda həll olunan vitaminlərdir. Bu vitaminlərin orqanizmin ehtiyaclarından artıq olan miqdarları dəyişilməmiş və ya metabolitlər şəklində, əsasən sidiklə, daha az miqdarda isə nəcislə xaric olur. Klinikayaqədərki təhlükəsizlik məlumatları Mövcud deyil.

İstifadəsinə göstərişlər

˗ İltihablı və degenerativ revmatik xəstəliklərin ilkin müalicəsi. ˗ Qeyri-revmatik mənşəli iltihab və podaqra xəstəliyinin kəskin tutmaları səbəbindən yaranan ağrılı vəziyyətlər.

Əks göstərişlər

Preparatın tərkibində olan hər hansı maddəyə qarşı hiperhəssaslıq. Hamiləlik dövrü.

Xüsusi göstərişlər və ehtiyat tədbirləri

Beffa preparatının istifadəsi adətən pasiyentlər tərəfindən yaxşı mənimsənilir. İnyeksiya yavaş yeridilməlidir.

Digər dərman vasitələri ilə qarşılıqlı təsiri

Piridoksin hidroxlorid levodopanın effektivliyini azalda bilər. Uyğunsuzluqlar Məlum deyil.

Hamiləlik və laktasiya dövründə istifadəsi

Hamiləlik dövründə əks göstərişdir. Laktasiya dövründə ehtiyatla istifadə edilməlidir. Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri Məlumat yoxdur.

İstifadə qaydası və dozası

Böyüklər üçün gündəlik 2 ml dozada və ya həkimin göstərişi ilə təyin edilir. Preparat əzələdaxili inyeksiya vasitəsi ilə yeridilməlidir.

Əlavə təsirləri

Nadir hallarda hiperhəssaslıq reaksiyaları və ya allergiya və yüksək dozada uzunmüddətli istifadəsi ilə əlaqəli digər əlavə təsirlər yarana bilər.

Doza həddinin aşılması

Preparat təyin edilən dozada istifadə edildikdə təhlükəsiz hesab olunur.

Buraxılış forması

2 ml məhlul ampulda. 10 ampul, konturlu-yuvalı qablaşmada. 10 konturlu-yuvalı qablaşma, içlik vərəqə ilə birlikdə karton qutuya qablaşdırılır.

Saxlanma şəraiti

25ºС temperaturdan yüksək olmayan, işıqdan qoruman və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

Reyoung Pharmaceutical Co., Ltd. No. 1, Ruiyang Road, Yiyuan County, Shandong Province, China.

Qeydiyyat vəsiqəsinin sahibi

Nelson Worldwide AG., Switzerland. Birkenstrasse 49, 6343 Rotkreuz, Switzerland.