Aspirin C 400 mq N10 fışıldayan tablet

ASPİRİN C fışıldayan tabletlər ASPIRIN® C

Tərkibi

Təsiredici maddələr: 1 tabletin tərkibində 400 mq asetilsalisil turşusu (AST), 240 mq askorbin turşusu (vitamin C) vardır. Köməkçi maddələr: natrium dihidrositrat, natrium hidrokarbonat, susuz limon turşusu, natrium karbonat.

Təsviri

Ağ rəngli, kənarları kəsik, girdə, yastı, bir tərəfində BAYER firmasının xaç nişanı olan tabletlərdir.

Farmakoterapevtik qrupu

Salisil turşusu və onun törəmələri. Psixoleptiklər istisna olmaqla, digər preparatlarla birgə asetilsalisil turşusu. АТС kodu: N02ВА51.

Farmakoloji xüsusiyyətləri

Asetilsalisil turşusu prostaqlandinlərin sintezini tənzimləyən siklooksigenaza-1 və siklooksigenaza-2- ni inhibə etməklə ağrıkəsici, qızdırmasalıcı və iltihabəleyhinə təsir göstərir; trombositlərin aqreqasiyasını inhibə edir. Askorbin turşusu oksidləşmə-reduksiya proseslərinin tənzimlənməsində, karbohidrat mübadiləsində, qanın laxtalanmasında, toxumaların bərpasında mühüm rol oynayır, orqanizmin müqavimətinin artmasına səbəb olur.

İstifadəsinə göstərişlər

Müxtəlif mənşəli mülayim və ya zəif təzahür edən ağrı sindromlarının (başağrısı, diş ağrısı, menstrual ağrılar, infeksiya zamanı boğazda ağrılar, oynaq və əzələ ağrıları) aradan qaldırılması üçün. İnfeksioniltihabi xəstəliklərdə bədən hərarətinin yüksəlməsı zamanı. Uşaqlarda və yeniyetmələrdə istifadəsinə aid məlumata diqqət yetirmək tövsiyə olunur (xüsusi göstərişlər və ehtiyat tədbirləri bölməsinə bax).

Əks göstərişlər

– salisilatlara və ya preparatın komponentlərindən hər hansı birinə qarşı yüksək həssaslıq;
– salisilatların və ya digər QSİƏM-ların qəbulu nəticəsində yaranan astma;
– MBT-nin eroziv xoralı zədələnməsi (kəskinləşmə fazasında);
– hemorragik diatez;
– hemofiliya, trombositopeniya;
– qaraciyərin, böyrəklərin və ürəyin funksiyasının aydın təzahür edən pozuntuları;
– həftədə 15 mq və daha yüksək dozada metotreksatla birgə qəbulu;
– hamiləliyin III trimestri.

Xüsusi göstərişlər və ehtiyat tədbirləri

Asetilsalisil turşusunun istifadəsinə aid

– digər analgetiklərə, iltihabəleyhinə və ya revmatizməleyhinə preparatlara və ya allergik maddələrə qarşı yüksək həssaslıq olduqda;
– allergiya mövcud olduqda (məsələn, dəri reaksiyaları, qaşınma, övrə), astma, polinozlar, burnun polipozları və ya xroniki respirator infeksiyalar;
– eyni zamanda antikoaqulyantlarla müalicə aparıldıqda;
– mədənin və/və ya onikibarmaq bağırsağın xora xəstəliyində, və ya mədə-bağırsaq qanaxmalarına meyllilik olduqda;
– qaraciyərin funksiyası pozulduqda;
– böyrəklərin və ürək-damar sisteminin funksiyası pozulduqda (məsələn, böyrəklərin damar xəstəlikləri, durgunluq ürək çatışmazlığı, dehidratasiya, geniş cərrahi müdaxilə, sepsis və ya geniş yayılmış hemorragik əlamətlər), çünki AST böyrəklərin funksiyasının pozulması və kəskin böyrək çatışmazlığı riskinin artmasına səbəb ola bilər;
– cərrahi müdaxilədən əvvəl (hətta dişin çəkilməsi kimi kiçik əməliyyatlar), çünki qanaxma güclənə bilər;
– qlükoza-6-fosfatdehidrogenazanın agır defisiti olan xəstələrdə AST hemoliz və ya hemolitik anemiya doğura bilər. Şərait yaradan faktorlar: yüksək doza, qızdırma və ya kəskin infeksiya.

Askorbin turşusunun istifadəsinə aid

– kalsium oksalatdan ibarət sidik daşlarının əmələ gəlməsinə meyllilik olanda;
– talassemiyalarda, hemoxromatozlarda.

Digər ehtiyat tədbirləri

1 fışıldayan tabletin tərkibində 20,3 mol (466,4 mq) natrium var. Bunu natrium miqdarına nəzarət edən (az natrium/duz tərkibli), pəhriz saxlayan pasiyentlərdə nəzərə almaq lazımdır. Uzun müddət analgetiklərin qəbulu baş ağrılarına, onların əlavə analgetiklərlə müalicəsi isə uzunmüddətli baş ağrılarına səbəb olur. Analgetiklərin mütəmadi olaraq istifadəsi böyrək çatışmazlıgı (analgetik nefropatiya) riski olan böyrəklərin xroniki zədələnməsinə səbəb olur. Bu risk bir necə analgetik eyni zamanda qəbul etdikdə daha da yüksəlir. Az dozalarda AST sidik turşusunun orqanizmdən xaric olunmasını ləngidir, bu da azalmış böyrək ekskresiyasına meylli pasientlərdə podaqra xəstəliyinin kəskin tutmalarına səbəb ola bilər.

Uşaqlar və yeniyetmələr

Əgər digər terapevtik üsullar nəticə vermirsə, uşaqlarda və yeniyetmələrdə yüksək hərarətlə müşayiət olunan xəstəliklərdə, asetilsalisil turşusunu həkim təyinatı ilə qəbul etmək lazımdır. Belə xəstəliklərdə çox çəkən qusmalar Reye sindromu kimi nadir, lakin həyat üçün təhlükəli xəstəliyə işarə ola bilər, hansı ki, təxirəsalınmaz müalicə tələb edir.

Digər dərman maddələri ilə qarşılıqlı təsiri

Əlavə təsirlərin artma riskinə qədər təsirin güclənməsi

– antikoaqulyantlar/trombolitiklər: asetilsalisil turşusu qanaxma riskini artıra bilər, əgər trombolitik müalicədən əvvəl qəbul edilibsə. Buna görə də trombolitiklərlə müalicə planlaşdırılan pasiyentlərdə daxili və ya xarici qanaxma əlamətlərinə fikir vermək lazımdır;
– trombositlərin aqreqasiyasının inhibitorları, məsələn, tiklopidin, klopidroqel: yüksək riskli qanaxma;
– digər qeyri-steroid analgetiklər/iltihabəleyhinə maddələr (asetilsalisil tutşusunun dozası gündə 3 qdan artıq olanda): MBT-də xoraların və qanaxmaların yüksək yaranma riski;
– sistem qlükokortikosteroidlər (Addison xəstəliyində əvəzedici müalicə kimi istifadə olunan hidrokortizondan başqa): MBT-də əlavə təsirlərin yüksək yaranma riski;
– alkoqol: MBT-də xoraların və qanaxmaların yüksək yaranma riski;
– diqoksin: qan zərdabında konsentrasiyanın artması;
– antidiabetik preparatlar: qanda şəkərin səviyyəsı düşə bilər;
– metotreksat: orqanizmdən ifrazının azalması və salisilatlar vasitəsi ilə qan plazması zülalları ilə birləşmədən cıxarılması;
– valproy turşusu: salisilatlar vasitəsilə qan plazması zülalları ilə birləşmədən çıxarılması;
– selektiv serotoninin əks neyronal udulmasının inhibitorları: sinergist effekt sayəsində xora və mədəbağırsaq qanaxmalarının inkişaf riski.

Təsirin zəifləməsı

– diuretiklər (asetilsalisil turşusu ilə kombinasiyada gündə 3 q və artıq);
– angiotenzin-çevirici fermentin inhibitorları (asetilsalisil turşusu ilə birləşmədə gündə 3 q və artıq);
– urikozurik preparatlar (məsələn, probenesid, benzbromaron);
– deferoksamin: askorbin turşusu ilə birgə qəbulu dəmirin toxuma toksikliyini artıra bilər, və ürək fəaliyyətinin dekompensasiyasını yarada bilər.

Hamiləlik və laktasiya dövründə istifadəsi

Hamiləliyin I və II trimestrində preparatı qəbul etmək olmaz, lakin ana üçün gözlənilən faydanın döl üçün potensial riskdən üstün olduğu təqdirdə kiçik dozalarda (150 mq-dan çox olmadan) həkimin təyinatı ilə qısa müddətə qəbul etmək olar. Hamiləliyin III trimestrində preparatın qəbulu əks göstərişdir. Laktasiya dövründə preparatın qəbuluna zərurət yaranarsa, laktasiyanı dayandırmaq lazımdır. Prostaqlandinlərin sintezini inhibə edən preparatlar ovulyasiya prosesinə təsir göstərərək qadınların fertilliyini pisləşdirdiyi barədə məlumatlar vardır. Bu, müalicənin dayandırılmasına əsas ola bilər.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Təsir etmir.

İstifadə qaydası və dozası

Fışıldayan tableti bir stəkan suda həll edərək içmək lazımdır. Preparatı acqarına içmək olmaz. Böyüklər və 15 yaşından böyük yeniyetmələr: birdəfəlik doza 1-2 fışıldayan tablet təşkil edir, sutkalıq maksimum doza 6 tabletdən artıq ola bilməz. Qəbullararası interval 4-8 saat təşkil edə və gündə 3 dəfəyə qədər qəbul edilə bilər. Müalicənin müddəti (həkimlə məsləhətləşmədən) 4 gündən artıq olmamalıdır.

Əlavə təsirləri

Qan və limfa sistemi pozğunluqları: nadir və çox nadir hallarda: qanaxmalar, o cümlədən beyindaxili qansızmalar (xüsusilə, nəzarət olunmayan hipertenziya və/və ya antihemostatik preparatların qəbulu ilə müşayiət olunan); hansı ki ayrı-ayrı hallarda həyat üçün təhlükə törədə bilər. Qlükoza-6- fosfatdehidrogenazanın çatışmazlığının ağır formaları olan pasiyentlərdə hemoliz və hemolitik anemiya. Qanaxmalar, burun qanaxmaları, diş ətinin qanaxması və ya dəri qansızmaları, sidik-cinsiyyət sistemi orqanlarından uzunmüddətli qanaxmalar ola bilər (xüsusi göstərişlər və ehtiyat tədbirləri bölməsinə bax). Bu təsirlər dərmanın qəbulundan sonra da 4-8 gün davam edə bilər. Mədə-bağırsaq pozğunluqları: tez-tez: qarında ağrılar, ürəkbulanma, qusma, qıcqırma; nadir hallarda: mədə-bağırsaq yollarının perforasiyaya gətirib çıxara bilən eroziyalı xora zədələnmələri; mədəbağırsaq qanaxmaları, çox nadir hallarda dəmir defisitli anemiyaya gətirib çıxara bilən; mədə-bağırsaq iltihabı. Sinir sistemi pozğunluqları: baş ağrısı, başgicəllənmə, qulaqlarda küy, eşitmənin zəifləməsi, şüurun dolaşıqlığı. Böyrək və sidik-ifrazat sistemi xəstəlikləri: yüksək dozalarda – hiperoksaluriya və sidik daşlarının əmələ gəlməsi, böyrəklərin yumaqcıq aparatının zədələnməsi. Böyrəklərin funksiyasının pozulması və kəskin böyrək çatışmazlıgı Dəri və dərialtı toxuma pozğunluqları: tez-tez rast gəlinməyən: dərinin hiperhəssaslıq reaksiyaları; nadir hallarda: dərinin ağır hiperhəssaslıq reaksiyaları (çoxformalı ekssudativ eritemaya qədər). İmmun sisteminə: nadir hallarda: tənəffüs yolları, MBT, ürək-damar sistemi tərəfindən hiperhəssaslıq reaksiyaları əsasən astmatiklərdə: təzyiqin enməsi, təngnəfəslik, rinit, burunun tutulması, anafilaktik şok, Kvinke ödemi. Qaraciyər və ödqovucu yolların funksiyasının pozulması: çox nadir – qaraciyər göstəricilərinin artması. Belə simptomlar yarandıqda preparatın qəbulunu dayandırmalı və həkimə müraciət etməli.

Əlavə təsirlər haqqında məlumatın verilməsi

Hər hansı əlavə təsir yaranarsa, həkimlə məsləhətləşmək lazımdır. Bu tövsiyə hər cür yaranan əlavə təsirə aiddir, həmçinin içlik vərəqədə göstərilməyən. Siz həmçinin istənilməyən reaksiyalar haqqında Famakonəzarət bazasına xəbər verə bilərsiniz, dərman maddəsinin effektsizliyi haqqında informasiya daxil olmaqla. İstənilməyən reaksiyalar haqqında məlumat verməklə Siz preparatın təhlükəsizliyi haqqında daha da çox məlumat əldə etməyə kömək edirsiz.

Doza həddinin aşılması

Mülayim intoksikasiya: doza həddinin aşılmasının bütün hallarında qulaqlarda küy, eşitmənin pisləşməsi, tərləmə, ürəkbulanma, qusma, baş ağrısı və başgicəllənmə. Bu intoksikasiya dozanın azalması ilə aradan götürülür. Kəskin intoksikasiya: yüksək hərarət, hiperventilyasiya, ketoz, tənəffüs alkalozu, metabolik asidoz, koma, kardiogen şok, tənəffüs çatışmazlığı, kəskin hipoqlikemiya. Müalicəsi: zəhərlənmə əlamətləri göründükdə xəstəni qusdurmaq və yaxud mədəsini yumaq, ona aktivləşdirilmiş kömür və işlədici preparat vermək və həkim çağırmaq lazımdır. İntoksikasiya yaşlı pasientlərdə və xüsusən az yaşlı uşaqlarda daha çox ehtimal olunandır(terapevtik doza və ya təsadüfi artıq doza onlar üçün ölümcüldür).

Buraxılış forması

2 fışıldayan tablet, stripdə. 5 strip, içlik vərəqə ilə birlikdə karton qutuya qablaşdırılır.

Saxlanma şəraiti

25ºC-dən yüksək olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı

Bayer Bitterfeld GmbH, OT Qreppin, Salegaster Chaussee 1, 06803 Bitterfeld-Volfen, Almaniya.

Qeydiyyat vəsiqəsinin sahibi

Bayer Konsumer Keya AG, Peter Merian-Ştrasse 84, 4052 Bazel, İsvecrə.