Asmada 75 mq N100 tablet

ASMADA örtüklü tabletlər ASMADA Beynəlxalq patentləşdirilməmiş adı: Acetylsalicylic acid + Magnesium hydroxide

Tərkibi

Asmada 75 mq/15,2 mq

Təsiredici maddə: 1 tabletin tərkibində 75 mq asetilsalisil turşusu, 15,2 mq maqnezium hidroksid vardır. Köməkçi maddələr:mikrokristallik sellüloza, qarğıdalı nişastası, susuz kolloidal silisium, stearin turşusu. Örtük: ağ opadri® YS-1-7040 (hipromelloza, makroqol, titan dioksid, talk).

Asmada 150 mq/30,39 mq

Təsiredici maddə: 1 tabletin tərkibində 150 mq asetilsalisil turşusu, 30,39 mq maqnezium hidroksid vardır. Köməkçi maddələr:mikrokristallik sellüloza, qarğıdalı nişastası, susuz kolloidal silisium dioksid, stearin turşusu. Örtük: ağ opadri® YS-1-7040 (hipromelloza, makroqol, titan dioksid, talk).

Təsviri

Asmada 75 mq/15,2 mq

Hər iki tərəfi qabarıq, ağ rəngli, ürək formalı örtüklü tabletlərdir.

Asmada 150 mq/30,39 mq

Hər iki tərəfi qabarıq, ağ rəngli, oval formalı, bir tərəfində bölmə xətti olan örtüklü tabletlərdir.

Farmakoterapevtik qrupu

Trombositlərin aqreqasiyasının inhibitoru (heparin daxil olmaqla) kombinasiyada. ATC kodu: B01AC30.

Farmakoloji xüsusiyyətləri

Farmakodinamikası

Asmada kombinəolunmuş dərman vasitəsi olub, antiaqreqant təsirə malikdir.

Təsir mexanizmi

Asetilsalisil turşusu (AST) siklooksigenazanı (SOG-1) geridönməyən inhibə edir, bunun nəticəsində tromboksan A2-nin sintezini blokadaya alır və trombositlərin aqreqasiyasını zəiflədir. Hesab edilir ki, AST trombositlərin aqreqasiyasını zəiflədən digər mexanizmə də malikdir ki, bu da, onun müxtəlif damar xəstəliklərində istifadə sahəsini artırır. AST, eləcə də, iltihabəleyhinə, analgetik və qızdırmasalıcı təsirə malikdir. Maqnezium hidroksid mədə-bağırsaq sisteminin selikli qişasını AST-nin təsirindən qoruyur.

Farmakokinetikası

AST mədə-bağırsaq sistemindən tamamilə sorulur. AST-nin yarımxaricolma dövrü təqribən 15 dəqiqə təşkil edir, belə ki, fermentlərin iştirakı zamanı AST bağırsaqda, qaraciyərdə və qan plazmasında sürətlə salisil turşusuna (ST) hidroliz olunur. ST-nin yarımxaricolma dövrü təqribən 3 saat təşkil edir, lakin o, AST-nin yüksək dozalalrının (3,0 q-dan artıq) istifadəsi zamanı fermentlər sisteminin doyması nəticəsində əhəmiyyətli dərəcədə arta bilir. AST-nin biomənimsənilməsi təqribən 70% təşkil edir, lakin bu miqdar əhəmiyyətli dərəcədə dəyişir, belə ki, AST presistem hidrolizə (mədə-bağırsaq sisteminin selikli qişası, qaraciyər) məruz qalaraq, fermentlərin təsiri altında ST-əçevrilir. ST-nin biomənimsənilməsi 80% təşkil edir. Maqnezium hidroksidin istifadə edilən dozaları AST-nin biomənimsənilməsinə təsir etmir.

İstifadəsinə göstərişlər

– Yüksək risk qrupu olan pasiyentlərdə tromboz və kəskin ürək çatışmazlığı kimi ürək-damar xəstəliklərinin ilkin profilaktikası (məsələn, şəkərli diabet, hiperlipidemiya, arterial hipertenziya, piylənmə, siqaretçəkmə, ahıl yaş dövrü);
– miokardın təkrar infarktının və qan damarlarının trombozunun profilaktikası;
– damarlarda cərrahi müdaxilədən sonra tromboemboliyanın profilaktikası (aortokoronar şuntlama, dəridən transluminal koronar angioplastika);
– qeyri-stabil stenokardiya.

Əks göstərişlər

– Preparatın istənilən komponentinə və digər qeyri-steroid iltihabəleyhinə preparatlara (QSİƏP) qarşı yüksək həssaslıq;
– baş beyində qansızma;
– qanaxmaya meyllik (K vitamini çatışmazlığı, trombositopeniya, hemorragik diatez);
– salisilatların və QSİƏP-in qəbulu ilə induksiya olunana bronxial astma;
– mədə-bağırsaq sisteminin eroziv-xoralı zədələnməsi (kəskinləşmə fazasında);
– mədə-bağırsaq qanaxmaları;
– ağır böyrək çatışmazlığı (kreatininin klirensi 10 ml/dəqiqədən az);
– hamiləlik (I və III trimestri);
– laktasiya dövrü;
– qlükoza-6-fosfatdehidrogenaza defisiti;
– metotreksatla eyni vaxtda istifadəsi (həftədə 15 mq-dan artıq);
– 18 yaşa qədər uşaqlar.

Xüsusi göstərişlər və ehtiyat tədbirləri

Preparatı, yalnız həkim təyinatı ilə istifadə etmək lazımdır. AST bronxospazma, eləcə də, bronxial astma tutmalarına və digər hiperhəssaslıq reaksiyalarına səbəb ola bilər. Risk faktoru anamnezdə bronxial astmanın, burun polipozunun, tənəffüs sisteminin xroniki xəstəliklərin, eləcə də, digər preparatlara qarşı allergik reaksiyanın olmasıdır (məsələn, dəri reaksiyaları, qaşınma, övrə). AST cərrahi müdaxilə zamanı və ondan sonra müxtəlif dərəcəli qanaxmalara səbəb ola bilər. Planlaşdırılan cərrahi müdaxiləyə bir neçə gün qalmış, AST-nin kiçik dozalarını qəbul edən pasiyentlərdə işemik ağırlaşmanın iknişafı riskilə müqayisədə qanaxmanın inkişafı riski qiymətləndirilməlidir. Qanaxmanın inkişafının yüksək riski zamanı AST-nin qəbulunu dayandırmaq lazımdır. AST-nin antikoaqulyantlarla, trombolitiklərlə və antitrombositar preparatlarla eyni vaxtda istifadəsi zamanı qanaxmanın inkişaf yüksək riski yaranır. AST kiçik dozalarda meylli (sidik turşusunun aşağı ekskresiyasına malik)pasiyentlərdə podaqranın inkişafına səbəb ola bilər. AST-nin metotreksatla kombinasiyası qan yaradan orqanlarda baş verən əlavə təsirlərin inkişafının yüksək tezliyilə müşayiət edilir. AST-nin yüksək dozaları hipoqlikemik effekt göstərir ki, bunu da, şəkərli diabetli, peroral hipoqlikemik vasitələr və insulin alan pasiyentlərdə nəzərə almaq lazımdır. Sistem qlükokortikoidlərlə (QKS) salisilatların eyni vaxtda istifadəsi zamanı salisilatlrın qanda konsentrasiyasının azalması müşahidə edilir, bu zaman sistem QKS-in dayandırılması salisilatlarla doza həddinin aşılmasına səbəb ola bilər. Ürək-damar xəstəliklərinin inkişafı riski olan pasiyentlərdə AST ilə ibuprofenin eyni vaxtda istifadəsi məsləhət görülmür: ibuprofenlə eyni vaxtda istifadəsi zamanı AST-nin (300 mq-a qədər) antiaqreqant təsirinin azalması müşahidə edilir ki, bu da, AST-nin kardioprotektor effektinin azalmasına səbəb olur. AST-nin məsləhət görülən terapevtik dozadan artıq qəbulu mədə-bağırsaq qanaxmasının inkişafı riskinə səbəb ola bilər. AST-nin antiaqreqant terapiya qismində uzun müddət kiçik dozalarda qəbulu zamanı yaşlı pasiyentlərdə mədə-bağırsaq qanaxmasının inkişafı riskilə əlaqədar ehtiyatlı olmaq vacibdir. AST-nin alkoqolla eyni vaxtda istifadəsi zamanı mədə-bağırsaq sisteminin selikli qişasının zədələnməsi və qanaxma vaxtının uzanması riski mövcuddur. Anamnezdə mədə-bağırsaq sisteminin xoralı zədələnməsi və ya mədə-bağırsaq qanaxması olan podaqralı, hiperurikemiyalı pasiyentlərdə, böyrək və/və ya qaraciyər çatışmazlığı, bronxial astma, pollinoz, burun polipozu, allergik vəziyyət olan pasiyentlərdə, hamiləliyin II trimestrində istifadəsi zamanı xüsusilə ehtiyatlı olmaq lazımdır.

Digər dərman vasitələri ilə qarşılıqlı təsiri

AST ilə eyni vaxtda istifadəsi zamanı aşağıdakı dərman vasitələrinin təsiri güclənir: – metotreksat (metotreksatın böyrək klirensinin azalması və onun zülal birləşməsindən sıxışdırılması nəticəsində); – heparin və dolayı antikoaqulyantlar (trombositlərin funksiyasının pozulması və dolayı antikoaqulyantların zülal birləşməsindən sıxışdırılması nəticəsində); – trombolitik, antiaqreqant və antikoaqulyant preparatlar (tiklopidin); – diqoksin (onun böyrək ekskresiyasının azalması nəticəsində); – peroral hipoqlikemik preparatlar (sulfanilsidik cövhəri törəmələri) və insulin (AST-nin yüksək dozalarının hipoqlikemik təsiri nəticəsində və sulfanilsidik cövhərinin törəmələrinin qan plazmasının zülal birləşməsindən sıxışdırılması nəticəsində); – valproy turşusu (onun zülal birləşməsindən sıxışdırılması nəticəsində). AST-nin ibuprofenlə eyni vaxtda istifadəsi AST-nin kardioprotektor effektinin azalmasına səbəb olur. AST-nin etanolla (alkoqol) eyni vaxtda istifadəsi zamanı additiv effekt müşahidə edilir. AST urikozurik vasitələrin (benzbromaron) təsirini sidik turşusunun rəqib tubulyar eliminasiyasına görə inhibə edir. Sistem QKS salisilatların xaric olmasını gücləndirərək, təsirini zəiflədir. Metamizol preparatı ilə eyni vaxtda istifadəsi zamanı AST-nin trombositlərə aqreqasiyasına təsiri azala bilər. Bununla əlaqədar olaraq belə kombinasiyanı kardioprotektor effekt əldə etmək məqsədilə AST-nin kiçik dozalarını qəbul edən pasiyentlərə ehtiyatla təyin etmək lazımdır.

Hamiləlik və laktasiya dövründə istifadəsi

Hamiləlik

Hamiləliyin I trimestrində salisilatların yüksək dozada istifadəsi, dölün inkişafında qüsurların yüksək tezliyilə assosiasiya olunur. Hamiləliyin I trimestrində preparatın istifadəsi əks göstərişdir. Hamiləliyin II trimestrində salisilatları, yalnız gözlənilən fayda və mümkün risk nisbəti ciddi qiymətləndirildikdən sonra təyin etmək olar. Hamiləliyin son trimestrində salisilatları yüksək dozası (300 mq/sutkada artıq) döğuş fəaliyyətinin tormozlanmasına, döldə arterial axının vaxtından əvvəl bağlanmasına, anada və döldə yüksək qanaxmaya səbəb olur, doğuşdan bilavasitə əvvəl istifadəsi isə kəllədaxili qansızmaya, xüsusilə yarımçıq doğulmuş uşaqlarda, gətirib çıxarır. Hamiləliyin III trimestrində preparatın istifadəsi əks göstərişdir.

Laktasiya

Laktasiya dövründə preparatın istifadəsinin mümkün olub-olmamasına dair əldə olan klinik məlumatlar kifayət qədər deyil. Laktasiya dövründə AST istifadəsindən əvvəl südəmər uşaqlar üçün preparatla terapiyanın potensial fayda və potensial risk nisbəti qiymətləndirilməlidir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

AST preparatları ilə müalicə dövründə nəqliyyat idarə edərkən və yüksək diqqət və sürətli psixomotor reaksiyalar tələb edən digər potensial təhlükəli fəaliyyət növlərilə məşğul olarkən ehtiyatlı olmaq lazımdır.

İstifadə qaydası və dozası

İstifadə qaydası

Preparat daxilə qəbul üçün nəzərdə tutulub. Tabletlər bütöv şəkildə su ilə qəbul edilir. Ehtiyac olduqda, tableti yarıya bölmək, çeynəmək və ya əvvəlcədən əzmək olar.

Dozalanma rejimi

Yüksək risk qrupu olan pasiyentlərdə tromboz və kəskin ürək çatışmazlığı kimi ürək-damar xəstəliklərinin ilkin profilaktikası (məsələn, şəkərli diabet, hiperlipidemiya, arterial hipertenziya, piylənmə, siqaretçəkmə, ahıl yaş dövrü) İlk sutkalarda tərkibində 150 mq AST olan 1 tablet Asmada preparatı və ya tərkibində 75 mq AST olan 2 tablet Asmada preparatı, daha sonra tərkibində 75 mq olan 1 Asmada preparatı sutkada 1 dəfə təyin edilir.

Miokardın təkrar infarktının və qan damarlarının trombozunun profilaktikası

Tərkibində 75-150 mq AST olan 1 tablet Asmada preparatı sutkada 1 dəfə təyin edilir. Damarlarda cərrahi müdaxilədən sonra tromboemboliyanın profilaktikası (aortokoronar şuntlama, dəridən translyuminal koronar angioplastika Tərkibində 75-150 mq AST olan 1 Asmada preparatı sutkada 1 dəfə istifadə edilir.

Qeyri-stabil stenokardiya

Tərkibində 75-150 mq AST olan 1 Asmada preparatı sutkada 1 dəfə istifadə edilir.

Əlavə təsirləri

Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 – < 1/10); bəzən (≥ 1/1000 – < 1/100); nadir hallarda (≥ 1/10000 – < 1/1000); çox nadir hallarda (< 1/10000); məlum deyil (əldə olan məlumatlara əsasən tezliyi qiymətləndirmək mümkün deyil). Qan və limfa sistemində baş verən pozğunluqlar: çox tez-tez-yüksək qanaxma; nadir hallardaanemiya; çox nadir hallarda-hipotrombinemiya, trombositopeniya, neytropeniya, aplastik anemiya, eozinofiliya, aqranulositoz. İmmun sistemdə baş verən pozğunluqlar: bəzən-anafilaktik reaksiyalar. Sinir sistemində baş verən pozğunluqlar: tez-tez-başağrı, yuxusuzluq; bəzən-başgicəllənmə, yuxululuq; nadir hallarda- tinnitus, kəllədaxili qansızma. Tənəffüs sistemində, döş qəfəsi və divararalığı orqanlarında baş verən pozğunluqlar: tez-tezbronxospazm. Mədə-bağırsaq sistemində baş verən pozğunluqlar: çox tez-tez-qıcqırma; tez-tez-ürəkbulanma, qusma; bəzən-qarın nahiyəsində ağrı, mədə və onikibarmaq bağırsağın selikli qişasının xora xəstəliyi (o cümlədən, nadir hallarda perforativ), mədə-bağırsaq qanaxmaları; nadir hallarda-“qaraciyər” fermentlərinin aktivliyinin artması; çox nadir hallarda-stomatit, ezofagit, mədə-bağırsaq sisteminin yuxarı şöbəsinin eroziv zədələnməsi, strikturalar, kolit, qıcıqlanmış bağırsaq sindromu. Dəridə və dərialtı toxumada baş verən pozğunluqlar: tez-tez-allergik reaksiyalar (övrə, angionevrotik ödem).

Şübhəli əlavə təsirlər barədə məlumatın verilməsi

Dərman vasitəsinin qeydiyyatından sonra əlavə təsirlər barədə məlumatın verilməsi vacibdir. Pasiyentdə dərman vasitəsinə qarşı ciddi əlavə təsirlər yarandıqda və ya bu bölmədə qeyd edilməyən yeni arzuolunmayan hallar baş verdikdə, müvafiq Milli farmakonəzarət sisteminə məlumat verməlidir.

Doza həddinin aşılması

Orta ağırlıq dərəcəli doza həddinin aşılması

Simptomları

Ürəkbulanma, qusma, tinnitus, eşitmənin pisləşməsi, başgicəllənmə, şüurun dumanlanması.

Müalicəsi

Mədənin yuyulması, aktivləşdirilmiş kömürün qəbulu; simptomatik terapiya.

Ağır ağırlıq dərəcəli doza həddinin aşılması

Simptomları

Qızdırma, hiperventilyasiya, ketoasidoz, respirator alkaloz, koma, ürək-damar və tənəffüs çatışmazlığı, ifadəolunmuş hipoqlikemiya.

Müalicəsi

Təcili terapiyanın aparılması üçün ixtisaslaşdırılmış şöbəyə dərhal hospitalizasiya (mədənin yuyulması, turşu-qələvi balansının müəyyən edilməsi, qələvi və sürətləndirilmiş qələvi diurez, hemodializ, məhlulların yeridilməsi, aktivləşdirilmiş kömür, simptomatik terapiya). Qələvi diurez pH səviyyəsi 7,5-8 olana qədər aparılır. Sürətləndirilmiş qələvi diurez o zaman aparılır ki, salisilatların qan plazmasında konsentrasiyası böyüklərdə 500 mq/l-dən (3,6 mmol/l) və uşaqlarda 300 mq/l-dən (2,2 mmol/l) artıq olsun.

Buraxılış forması

Örtüklü tabletlər. 20 tablet, blisterdə. 2 və ya 5 blister, içlik vərəqə ilə birlikdə karton qutuya qablaşdırılır. 30 və ya 100 tablet, uşaqlardan qorumaq üçün sistemlə təchiz olunmuş qoruyucu fırlanan qapaqlı plastik flakonda. 1 flakon, içlik vərəqə ilə birlikdə karton qutuya qablaşdırılır.

Saxlanma şəraiti

25ºС-dən yüksək olmayan temperaturda, rütubətdən və işıqdan qorunan və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı

“WORLD MEDICINE İLAÇ SAN. VE TİC. А.Ş.”, TURKEY. Bağcılar İleçsi, Güneşli, Güneşli 15 Temmuz Mah. Cami Yolu Cad. No: 50 K, 1B Zemin 4-5-6, İstanbul.