Anuzol N10 rektal şam Nijfarm

ANUZOL rektal suppozitoriyalar

ANUSOL
Beynəlxalq patentləşdirilməmiş adı: Belladona yarpaqlarının ekstraktı + bismut tribromofenolat və bismut oksid kompleksi + sink sulfat

Tərkibi

Təsiredici maddələr: 1 suppozitoriyanın tərkibində 20 mq xanımotu yarpaqlarının qatı ekstraktı (1,5%-0,3 mq hiossiamin hesabı ilə alkaloidlərin ümumi miqdarı), 100 mq tribromfenolyat bismuth və bismuth oksid kompleksi (kseroform), 50 mq sink sulfat heptahidrat vardır.
Köməkçi maddələr: qliserol, təmizlənmiş su, distilləedilmiş monoqliseridlər, bərk piy (Vitepsol (H 15, W 35 nişanlı), Supposir (NQ 15, NAS 50 nişanlı)).

Təsviri

Torpedoyabənzər formalı, yaşılımtıl-sarı və ya yaşılımtıl-qəhvəyi rəngli və ya açıq qəhvəyi rəngli, xarakterik qoxulu suppozitoriyalardır. Suppozitoriyanın səthində ağ rəngli ərpin və kəsildikdə, hava boşluğunun və qıfabənzər dərinliyin olması yolveriləndir.

Farmakoterapevtik qrupu

Babasiləleyhinə vasitə.
ATC kodu: C05AX03.

Farmakoloji təsiri

Babasiləleyhinə kombinəolunmuş vasitədir. Anuzol preparatı spazmolitik, iltihabəleyhinə, antiseptik, ağrıkəsici, yerli iltihabəleyhinə, büzücü və quruducu təsirə malikdir.

İstifadəsinə göstərişlər

Babasil, arxa keçəcəyin çatları.

Əks göstərişlər

Hiperhəssaslıq, dekompensasiya mərhələsində ürək çatışmazlığı, taxiaritmiya, miasteniya, bağırsağın atoniyası, bağlıbucaqlı qlaukoma, sidik axınının pozulması ilə prostat vəzinin hipertrofiyası, hamiləlik və laktasiya dövrü, 12 yaşadək uşaqlar.

Xüsusi göstərişlər və ehtiyat tədbirləri

Ehtiyatla
Vegetativ neyropatiya, hipertireoz, ürəyin işemik xəstəliyi, xroniki ürək çatışmazlığı, mitral stenoz, böyrək xəstəlikləri, diafraqmanın qida borusu çıxıntısının yırtığı, reflyuks-ezofaqit, bədən hərarətinin yüksəlməsi (tər vəzilərinin aktivliyinin azalması nəticəsində qızdırmanın və istivurmanın inkişafı mümkündür).
Xanımotu alkaloidlərinin hematoensefalik baryerdən keçməsinin və MSS-ə təsir göstərən dərman vasitələrilə qarşılıqlı təsirinin mümkünlüyünü nəzərə almaq lazımdır. Terapevtik dozada xanımotu alkaloidləri MSS-ə mülayim stimuləedici təsir, yüksək dozalarda oyandırıcı təsir göstərir, toksiki dozalarda tormozlanma və komatoz vəziyyətlə əvəz edilən təşviş, hallüsinasiya mümkündür. Xanımotu ekstraktı suppozitoriyalarının və digər antixolinergik aktivliyə malik preparatlarla eyni vaxtda təyin edilməsindən çəkinmək lazımdır, belə ki, əlavə təsirlərin inkişafı ehtimalı yüksəkdir.
Xanımotu ekstraktı mədə-bağırsaq traktının hərəki funksiyasının zəifləməsi nəticəsində eyni vaxtda istifadə edilən preparatların və digər vasitələrin sorulma sürətinin azalmasına səbəb olur.

Digər dərman vasitələrilə qarşılıqlı təsiri

Trisiklik antidepressantlarla eyni vaxtda istifadəsi zamanı preparatın m-xolinoblokadaedici effektinin artması mümkündür (ağızda quruluq, akkomodasiyanın pozulması, taxikardiya, qəbizlik və s.).
Ürək yığılmalarının tezliyini artıran preparatlarla eyni vaxtda istifadəsi zamanı (o cümlədən, prokainamid) ifadəedilmiş taxikardiya mümkündür.
Monoaminooksidaza inhibitorları (MAO) əlavə effektlərin inkişaf riskini artırır və müsbət xrono- və batmotrop effekti gücləndirir; ürək qlikozidlərilə birgə istifadəsi zamanı müsbət batmotrop effektin güclənməsi mümkündür.
Xanımotu (belladona) preparatlarını etanolla (alkoqol) eyni vaxtda istifadəsi zamanı mərkəzi sinir sisteminin (MSS) tormozlayıcı təsirinin güclənməsi mümkündür.

Hamiləlik və südvermə dövründə istifadəsi

Hamiləlik və laktasiya dövründə preparatın istifadəsi əks göstərişdir. Laktasiya dövründə preparatın istifadəsinə ehtiyac olduqda, ana südü ilə qidalandırmanı dayandırmaq lazımdır.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Müalicə dövründə avtonəqliyyat idarə edərkən və yüksək diqqət, sürətli psixomotor reaksiya və yaxşı görmə tələb edən fəaliyyət növlərilə məşğul olarkən ehtiyatlı olmaq lazımdır.

İstifadə qaydası və dozası

Rektal istifadə edilir. Təmizləyici imalədən və ya bağırsağın sərbəst boşalmasından sonra sutkada 1-3 dəfə 1 suppozitoriya təyin edilir. Preparatın maksimal sutkalıq dozası 7 suppozitoriyadır.
Müalicə kursunun müddəti 10-14 gün təşkil edir.

Əlavə təsirləri

Ağız boşluğunun selikli qişasında quruluq, yanğı hissi, qəbizlik, diareya, taxikardiya, ürəkdöyünmə, midriaz, akkomodasiyanın parezi, başağrı, başgicəllənmə, yuxunun pozulması, yuxululuq, allergik reaksiyalar, arxa keçəcək nahiyəsində yanma hissi. Belə hallarda preparatın istifadəsini dayandırmaq və həkimə müraciət etmək lazımdır.

Doza həddinin aşılması

Simptomları
Ürəkbulanma, qusma, psixomotor oyanıqlıq, qıcolma, sidik ləngiməsi, tər ifrazının azalması, hipertermiya.
Doza həddinin aşılması zamanı preparatın istifadəsini dərhal dayandırmaq və həkimə müraciət etmək lazımdır.

Müalicəsi
Simptomatikdir.

Buraxılış forması

Rektal suppozitoriyalar.
5 suppozitoriya, polietilenlə laminasiya edilmiş polivinilxlorid örtüklü konturlu-yuvalı qablaşdırmada. 2 konturlu-yuvalı qablaşdırma, içlik vərəqə ilə birlikdə karton qutuya qablaşdırılır.

Saxlanma şəraiti

25°C-dən yüksək olmayan temperaturda, işıqdan qorunan və uşaqların əli çatmayan yerdə saxlamaq lazımdır.

Yararlılıq müddəti

3 il.
Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı / Qeydiyyat vəsiqəsinin sahibi / İradları qəbul edən təşkilat

«Nijfarm» SC, Rusiya.
603950, Nijniy Novqorod ş., Salqanskaya k. 7.
Tel.: (831) 278-80-88.
Faks: (831) 430-72-28.
E-mail: [email protected]