Alte 125 ml sirop Polşa

ALTE şərbət

ALTE

Tərkibi

Təsiredici maddə: 100 q dərman maddəsinin tərkibində 34,9 q müalicəvi gülxətmi kökünün 5%-li ekstraktı (Radix Althaeae) vardır.
Köməkçi maddələr: saxaroza, etanol 96%, benzoy turşusu.

Təsviri

Sarı rəngli qatı, şəffaf və ya yüngül opalassensiyaedici spesifik qoxulu və dadlı yapışqan mayedir,

Farmakoterapevtik qrupu

Öskürək və soyuqdəymə əleyhinə preparat.
ATC kodu: R05CA.

Farmakoloji xüsusiyyətləri

Gülxətmi şərbətinin yumşaldıcı, bürüyücü, iltihabəleyhinə, bəlğəmgətirici təsiri, hidrolizi zamanı qalakturon turşusu, qalaktoza, qlükoza, ramnoza və arabinoza əmələ gələn, müalicəvi gülxətmi kökündən alınan yüksək konsentrasiyada selikli maddələrin olması ilə əlaqədardır. Selikli maddələr iltihablaşmış və ya çox həssas səthləri qoruyucu təbəqə şəklində örtür, onların daha tez sağalmasına səbəb olur. Dərman maddəsi həmçinin öskürəkəleyhinə təsirə malikdir.

İstifadəsinə göstərişlər

Gülxətmi şərbətinin tərkibində olan, gülxətmi kökündən alınmış, yüksək səviyyədə selikli maddələrin hesabına iltihabəleyhinə, bürüyücü, yumşaldıcı və bəlğəmgətirici maddə kimi, yuxarı tənəffüs yollarının öskürəklə müşayiət olunan xəstəliklərində (quru öskürək; yaş öskürək, çətin xaric olunan bəlğəmlə; bronxit; traxeit; bronxial astma), həmçinin digər soyuqdəymə xəstəlikləri zamanı kompleks müalicənin tərkibində (boğazda və qırtlaqda ağrı, KRVİ, qrip və s.) istifadə edilir.

Əks göstərişlər

Dərman vasitələrinin komponentlərinə qarşı fərdi yüksək həssaslıq.

Hamiləlik və laktasiya dövründə istifadəsi

Əks göstərişlər yoxdur.

İstifadə qaydası və dozası

3 yaşdan 6 yaşa qədər uşaqlar – gündə 2-3 dəfə 5 ml.
6 yaşdan 12 yaşa qədər uşaqlar – gündə 2-3 dəfə 5 ml.
12 yaşdan böyük uşaqlar və böyüklər – gündə 3-4 dəfə 10m.

Əlavə təsirləri

Bu vaxta qədər əlavə təsirlər müşahidə edilməyib. Lakin benzoy turşusuna qarşı yüksək həssaslıq olduqda dərman maddəsinin istifadəsi məsləhət deyil.

Doza həddinin aşılması

İndiyə qədər doza həddinin aşılması halları müşahidə edilməyib.

Buraxılış forması

125 q şərbət, tünd şüşə flakonlarda. 1 flakon, içlik vərəqə və ölçü qapağı ilə birlikdə karton qutuya qablaşdırılır.
125 q şərbət, tünd PET flakonlarda. 1 flakon, içlik vərəqə və ölçü qapağı ilə birlikdə karton qutuya qablaşdırılır.

Saxlanma şəraiti

25°C-dən aşağı temperaturda və uşaqların əli çatmayan yerdə saxlamaq lazımdır.

Yararlılıq müddəti

3 il.
Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı/Qeydiyyat vəsiqəsinin sahibi

“GEMİ” İstehsalat Əczaçılıq Müəssisəsi.
Mitskeviç küç. 36, 05-480 Karçev, Polşa.
e-mail: [email protected] , www.gemi.pl