UROLESAN N40 KAPS

Dərman vasitəsinin istifadəsi üzrə təlimat (xəstələr üçün)

UROLESAN kapsullar

Tərkibi

Təsiredici maddə: 1 kapsulun tərkibində yabanı yerkökü meyvələri (Daucus carota L., fructus) (1:1), mayaotu qozaları (Humulus lupulus L., flos) (1:1), qaraqınıq otu (Oreganum vulgare L., herba) (1:1) bitkilərinin duru ekstraktları qarışığından əldə olunan 10% rütubət hesabı ilə 10,70 mq qatı Urolesan ekstraktı 1/1-ə, 4/1-ə nisbətində, ekstragent 96%-li etanol h/h; 7,46 mq istiotlu nanə yağı (Mentha × piperita L., aetheroleum), 25,50 mq Sibir ağ şam ağacı yağı (Abies sibirica L., aetheroleum) vardır. Köməkçi maddələr: maqnezium alümometasilikat*, gənəgərçək yağı, ağır maqnezium karbonat, talk, laktoza monohidrat, dinatrium edetat (trilon B), kartof nişastası. Kapsul: patent mavi V (E131), xinolin sarısı (E104), titan dioksid (E171), sarı dəmir oksidi (E172), jelatin. * – neusilin UFL2.

Təsviri

№ 0 ölçülü, gövdəsi və qapağı yaşıl rəngli bərk jelatin kapsullardır. Kapsulun möhtəviyyatı – qranullaşdırılmış toz və/və ya sarı-boz rəngdən yaşıl çalarlı boz-qonura qədər rəngli, çilli, istiotlu nanə və ağ şam ağacı ətirli bərk kütlə. Sıxılanda xırdalanma xüsusiyyətinə malik olan aqlomeratların mövcudluğu icazə veriləndir.

Farmakoterapevtik qrupu

Urologiyada istifadə edilən preparatlar. ATC kodu: G04BX.

Farmakoloji xüsusiyyətləri

Urolesan bitki mənşəli kombinəolunmuş preparatdır. Urolesan preparatının tərkibinə daxil olan maddələr sidik-ifrazat yollarında və böyrəklərdə müşahidə olunan iltihabi təzahürləri azaldır, böyrəklərin və qaraciyərin qan təchizatının güclənməsinə səbəb olur, diuretik, antibakterial və ödqovucu təsir göstərir, sidikdə qoruyucu kolloid əmələ gətirir və yuxarı sidik-ifrazat yollarının və öd kisəsinin saya əzələlərinin tonusunun normalaşmasına səbəb olur. Urolesan preparatı sidik cövhərinin və xloridlərin ifraz olunmasını artırır, sidik kisəsindən və böyrəklərdən kiçik konkrementlərin və qum dənəciklərinin xaric olunmasına gətirib çıxarır.

İstifadəsinə göstərişlər

Sidik-ifrazat yollarının və böyrəklərin kəskin və xroniki infeksiyaları (sistitlər və pielonefritlər), sidik daşı xəstəliyi və sidik turşulu diatez (konkrementlər xaric olunduqdan sonra onların yenidən əmələ gəlməsinin profilaktikası), xroniki xolesistitlər (o cümlədən kalkulyoz xolesistitlər), ödçıxarıcı yolların diskineziyaları, öd daşı xəstəliyi.

Əks göstərişlər

− Preparatın tərkibinə daxil olan komponentlərdən hər hansı birinə qarşı yüksək həssaslıq; − qastritlər (sekretor çatışmazlıqla müşayiət olunan qastritlər istisna olmaqla), mədə və onikibarmaq bağırsaq xora xəstəliyi.

Xüsusi göstərişlər və ehtiyat tədbirləri

Konkrementlərin diametri 3 mm-dən artıq olduğu halda, preparatı istifadə etmək olmaz. Preparatın tərkibində köməkçi maddələr şəklində laktoza və kartof nişastası vardır və bu səbəbdən, qalaktozaya qarşı dözümsüzlük, laktaza çatışmazlığı, qlükoza-qalaktoza malabsorbsiyası sindromu kimi nadir irsi xəstəlikləri olan və ya qlütenə qarşı yüksək həssaslıq və ya qlütenə qarşı dözümsüzlük qeyd olunan pasiyentlərdə preparatın göstərilən dərman formasını istifadə etmək olmaz.

Digər dərman vasitələri ilə qarşılıqlı təsiri

Öyrənilməmişdir.

Hamiləlik və laktasiya dövründə istifadəsi

Hamiləlik və ya laktasiya dövründə preparatın istifadəsi öyrənilməmişdir. Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri Öyrənilməmişdir.

İstifadə qaydası və dozası

Preparat qida qəbulundan əvvəl daxilə istifadə üçün nəzərdə tutulmuşdur. Preparatın böyüklərdə və 14 yaşdan yuxarı uşaqlarda istifadə üçün tövsiyə edilən dozaları: sutkada 3 dəfə 1 kapsul. Müalicə kursunun davametmə müddəti kəskin vəziyyətlərdə (o cümlədən böyrək və qaraciyər sancıları zamanı) 5 gündən 7 günə qədər, xroniki vəziyyətlərdə isə 7 gündən 1 aya qədər təşkil edir. Böyrək və qaraciyər sancıları qeyd olunduğu halda, preparatın birdəfəlik dozasını bir dəfə 2 kapsula qədər artırmaq olar və növbəti qəbulda adətən istifadə edilən birdəfəlik dozanın (1 kapsulun) istifadəsinə qayıtmaq lazımdır. Uşaqlar 14 yaşa qədər uşaqlara Urolesan preparatı şərbət və ya maye dərman forması şəklində təyin edilməlidir.

Əlavə təsirləri

Adətən Urolesan preparatı pasiyentlər tərəfindən yaxşı keçirilir. Preparatın istifadəsi müddətində aşağıda göstərilən əlavə təsirlər müşahidə oluna bilər. Mədə-bağırsaq traktında baş verən pozğunluqlar: dispeptik pozğunluqlar (ürəkbulanma və qusma da daxil olmaqla). Allergik reaksiyalar, o cümlədən hiperemiya, övrə, qaşınma hissi, üz nahiyəsinin qızarması, dəri üzərində səpgilər, angionevrotik ödem (boğaz nahiyəsində göynəmə hissi, tənəffüsün çətinləşməsi, üz nahiyəsinin və dilin ödemi də daxil olmaqla). Mərkəzi və periferik sinir sistemlərində baş verən pozğunluqlar: başgicəllənmə, ümumi zəiflik. Ürək-damar sistemində baş verən pozğunluqlar: arterial hipertenziya, hipotenziya, ürək nahiyəsində ağrı.

Doza həddinin aşılması

Doza həddinin aşılması baş verdiyi halda, aşağıda göstərilən simptomlar qeyd oluna bilər: ürəkbulanma, başgicəllənmə, preparatın sedativ effektinin güclənməsi. Müalicəsi: simptomatik müalicə. Pasiyentə çoxlu miqdarda isti maye qəbul etmək, sakit vəziyyətdə qalmaq, aktivləşdirilmiş kömür və atropin sulfat (0,0005-0,001 q) tövsiyə edilməlidir.

Buraxılış forması

10 kapsul blisterdə. 4 blister içlik vərəqə ilə birlikdə karton qutuya qablaşdırılır.

Saxlanma şəraiti

25°C-dən yuxarı olmayan temperaturda, orijinal qablaşmada və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır. İstehsalçı/Qeydiyyat vəsiqəsinin sahibi “Kiyevmedpreparat” İSC. Ukrayna, 01032, Kiyev şəh., Saksaqanskiy küç., 139.