Metilurasil 500 mq N10 rektal şam

Dərman vasitəsinin istifadəsi üzrə təlimat (xəstələr üçün)

METİLURASİL rektal suppozitoriyalar Beynəlxalq patentləşdirilməmiş adı: yoxdur.

Tərkibi

Təsiredici maddə:1 suppozitoriyanın tərkibində 0,5 q dioksometiltetrahidropirimidin (metilurasil) vardır. Köməkçi maddə: bərk yağ (Kernosol 35).

Təsviri

Ağ rəngli və ya sarımtıl ağ və ya krem çalarlı suppozitoriyadır.

Farmakoterapevtik qrupu

Toxuma reparasiyasının stimulyatoru. ATC kodu: L03AX.

Farmakoloji xüsusiyyətləri

Anabolik və antikatabolik aktivliyə malikdir. Hemopoetik, leykopoetik, immunostimuləedici, iltihabəleyhinə təsir göstərir. Nuklein mübadiləsini normallaşdırmaqla, toxumaların böyüməsini, qranulasion yetişməsini və epitelizasiyasını sürətləndirərək, yaralarda hüceyrə regenerasiyası prosesini sürətləndidir (o cümlədən, mədə-bağırsaq sisteminin selikli qişasının sürətli proliferasiyaedən hüceyrələrində).

İstifadəsinə göstərişlər

Proktitlər, siqmoiditlər, xoralı kolitlər.

Əks göstərişlər

Preparata qarşı yüksək həssaslıq. Leykozun kəskin və xroniki leykemik forması (xüsusilə, mieloid), limfoqranulomatoz, sümük iliyinin bədxassəli xəstəlikləri. 8 yaşa qədər uşaqlar.

Xüsusi göstərişlər və ehtiyat tədbirləri

Məlumat yoxdur.

Digər dərman vasitələri ilə qarşılıqlı təsiri

Məlumat yoxdur.

Hamiləlik və laktasiya dövründə istifadəsi

Hamiləlik və laktasiya dövründə istifadəsi, yalnız ana üçün gözlənilən fayda dölə olan potensial riskdən üstün olduqda mümkündür. Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri Preparat nəqliyyat vasitələrini və digər potensial təhlükəli mexanizmləri idarəetmə qabiliyyətinə mənfi təsir etmir.

İstifadə qaydası və dozası

Rektal istifadə edilir. Böyüklərə sutkada 3-4 dəfə 1-2 suppozitotrya, 8-18 yaşlı uşaqlara sutkada 1 suppozitoriya təyin edilir. Müalicə kursu xəstəliyin xarakterindən asılı olaraq 7 gündən 4 aya qədər davam edə bilər.

Əlavə təsirləri

Allergik reaksiyalar, başağrısı, başgicəllənmə, düz bağırsaq nahiyəsində qısamüddətli yanğı hissi.

Doza həddinin aşılması

Məlumat yoxdur.

Buraxılış forması

500 mq rektal suppozitoriyalar. 5 suppozitoriya, konturlu-yuvalı qablaşdırmada. 2 konturlu-yuvalı qablaşdırma, içlik vərəqə ilə birlikdə karton qutuya qablaşdırılır.

Saxlanma şəraiti

20˚C-dən yüksək olmayan temperaturda, işıqdan qorunan və uşaqların əli çatmayan yerdə saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

“Biosintez” İSC, Rusiya Federasiyası, 440033, Penza ş., Drujbi k., 4. Tel.:/Faks: (8412) 57-72-49. Ünvan “Biosintez” İSC, Rusiya Federasiyası, 440033, Penza ş., Drujbi k., 4. Tel.:/Faks: (8412) 57-72-49.