PROKTOTROMBIN N10 SAM

Dərman vasitəsinin istifadəsi üzrə təlimat (xəstələr üçün)

PROKTOTROMBİN rektal suppozitoriyalar PROCTOTROMBIN Beynəlxalq patentləşdirilməmiş adı: Heparin sodium, Prednisolone acetate, Lauromacrogolum 400

Tərkibi

Təsiredici maddələr: 1 suppozitoriyanın tərkibində 120 BV heparin natrium, 1,675 mq prednizolon Asetat, 30 mq lauromakroqol 400 vardır. Köməkçi maddələr: susuz kolloidal silisium dioksid, orta zəncirli triqliseridlər, qliserin tristearat, bərk yağ.

Təsviri

Silindir-konik formalı, ağ və ya sarıyaçalan ağımtıl rəngli şamlardır.

Farmakoterapevtik qrupu

Babasil və anal çatların müalicəsində yerli istifadə olunan digər preparatlar. ATC kodu: C05AX03.

Farmakoloji xüsusiyyətləri

Babasilin müalicəsində istifadə olunan kombinəolunmuş preparatdır. Farmakodinamikası Heparin – birbaşa təsirli antikoaqulyant olub, antitrombotik, ödeməleyhinə və iltihabəleyhinə təsir göstərir. Həmçinin, birləşdirici toxumanın regenerasiyasını sürətləndirir, hemmoroidal düyünlərdə qanın koaqulyasiyasına və fibrin tromblarının əmələ gəlməsinə səbəb olan reaksiyaları inhibə edir. Prednizolon – orta təsir müddətinə malik olan sintetik qlükokortikosteroid olub, iltihabəleyhinə, ödeməleyhinə və allergiyaəleyhinə təsir göstərir. Nəticədə, iltihabı azaldır və anorektal nahiyyədə ağrı və qaşınma hissini nəzərəçarpacaq dərəcədə azaldır. Lauromakroqol – polietilenqlikol qrupundan olan birləşmə olub, yerli keyləşdirici və babasil düyünlərinin sklerozlaşmasına təsir göstərir. Farmakokinetikası Sorulduqdan sonra heparin toxumalardan ləng xaric olur, t – 1 saatdır. Qanda heparinin 35%-i plazma½ proteinləri ilə birləşir, qaraciyərdə (qismən qaraciyərin heparinazası tərəfindən metabolizmə uğrayır) və retikuloendotelial sistemdə metabolizmə uğrayır. Böyrəklər vasitəsilə xaric olur. Plazmadan tez xaric olur (xaricolma qəbul edilən dozadan asılıdır) və bu zaman t – 60-90 dəqiqə təşkil edir.½ Prednizolon – sorulduqdan sonra qaraciyərdə metabolizmə uğrayır. Qaraciyər enzimlərinin induksiyası prednizolonun metabolik klirensini artırır. 1%-ə qədər sidiklə dəyişilmədən xaric olur. Preparatın plazmada miqdarı ilə klirens artır. Bioloji t – 18-36 saatdır, plazmada isə t – 115-212 dəqiqədir.½ ½ Lauromakroqol – sistem təsir göstərmir, yalnız yerli təsirə malikdir.

İstifadəsinə göstərişlər

Daxili və xarici babasil (xüsusilə tromboz və iltihab ilə); Venaların hemmoroidal tromboflebiti; Anal çatlar; Rektal nahiyyənin ekzeması və qaşınması; Anorektal zonanın cərrahi müdaxiləyə hazırlanması.

Əks göstərişlər

Preparatın komponentlərinə qarşı yüksək həssaslıq; – Dərinin virus, bakterial və göbələk zədələnmələri; – Vərəm; – Sifilis; – Dəri xərçəngi (anorektal zonada); – Qanın laxtalanmasının qanaxmaya meylli pozğunluğu; – Vaksin yeridilməsi zamanı reaksiyalar; – Hamiləliyin I trimestri; – 12 yaşa kimi uşaqlar.

Xüsusi göstərişlər və ehtiyat tədbirləri

Nəzərə almaq lazımdır ki, tez-tez və ya uzunmüddətli istifadə zamanı regenerasiya prosesinin ləngiməsi baş verir. 12 yaşdan yuxarı uşaqlara təyin edilə bilər.

Digər dərman vasitələri ilə qarşılıqlı təsiri

Ədəbiyyatda digər dərman vasitələri ilə qarşılıqlı təsirinə dair məlumat yoxdur.

Hamiləlik və laktasiya dövründə istifadəsi

Hamiləliyin I trimestrində əks göstərişdir. II və III trimestrdə, həmçinin, laktasiya dövründə preparat yalnız o zaman istifadə oluna bilər ki, onun anaya verə biləcəyi fayda dölə olan potensial riskindən üstün olsun.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə zamanı sürətli reaksiya tələb edən fəaliyyət ilə məşğul olmaq, potensial təhlükəli mexanizmləri və nəqliyyat vasitələrini idarə etmək olar.

İstifadə qaydası və dozası

Preparat, rektal yolla, defekasiya aktından sonra, sutkada 1-2 dəfə istifadə edilir. Gündə 1 şam (rektal suppozitoriya) təyin olunur. Hemmoroidal düyünlərə və selikli qişaya maksimal təsir etməsi üçün anal kanalın distal hissəsində 1-2 dəqiqə saxlamaq, sonra anal kanala dərinə yeritmək lazımdır. Müalicə kursu 7- 14 gündür.

Əlavə təsirləri

Sistem reaksiyalar: bəzi hallarda – allergik reaksiyalar, dərinin hiperemiyası baş verə bilər. Uzunmüddətli istifadə zamanı və ya böyük sahələrə isitfadə zamanı sistem təsirləri müşahidə edilə bilər. Qeyd olunan əlamətlər olarsa, əlavə müalicəyə ehtiyac yoxdur və preparatın istifadəsi dayandırıldıqda əlamətlər aradan qalxır.

Doza həddinin aşılması

Preparat minimal sistem təsir etdiyi üçün doza həddinin aşılması ehtimalı çox azdır.

Buraxılış forması

5 rektal suppozitoriya (şam), polivinilxlorid blisterdə. 2 blister içlik vərəqə ilə birlikdə karton qutuya qablaşdırılır.

Saxlanma şəraiti

25°C-dən yuxarı olmayan temperaturda, quru, qaranlıq və uşaqların əli çatmayan yerdə saxlamaq lazımdır. Dondurmaq olmaz.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır. İstehsalçı/Qeydiyyat vəsiqəsinin sahibi FARMAPRİM MMC Krinilor küç.5, Porumben s., Kriulen r-nu., MD-4829, Moldova Respublikası. www.farmaprim.md