VENOSMIL 60 GR GEL

Dərman vasitəsinin istifadəsi üzrə təlimat (xəstələr üçün)

VENOSMİL GEL yerli istifadə üçün gel Beynəlxalq patentləşdirilməmiş adı: Hidrosmin

Tərkibi

Təsiredici maddə: 100 q gelin tərkibində 2 q hidrosmin vardır. Köməkçi maddələr: karbopol, trietanolamin, metilparaben, propilparaben, distillə olunmuş su.

Təsviri

Sarımtıl rəngli qatı geldir.

Farmakoterapevtik qrupu

Flebotonik dərman vasitəsi. ATC kodu: C05CA05.

Farmakoloji xüsusiyyətləri

Venosmil flebotonik dərman vasitəsi olub, qan dövranına aktivləşdirici təsir göstərir. Pre- paratın təsiredici maddəsi sadə kimyəvi qurulaşa malik olub, FAES FARMA,A.S. tərəfin- dən sintez edilmiş və onun venoz hemodinamikanı yaxşılaşdırdığı, kapilyarların müqa- vimət qabiliyyətini artırdığı sübut edilmişdir.Venosmil vaskulyar homeostazı yaxşılaşdı- rır,kapilyar keçiriciliyi azaltmaqla hemorragik (qansızma) riski azaldır.

İstifadəsinə göstərişlər

Təzahür edən venoz çatışmazlığın yerli müalicəsi.

Əks göstərişlər

Preparatın komponentlərindən hər hansı birinə qarşı yüksək həssaslıq.

Xüsusi göstərişlər və ehtiyat tədbirləri

Sağalmamış yaraya istifadə etmək olmaz. Ürək, böyrək, qaraciyər ödeminin müalicəsində istifadə edilməməlidir.

Digər dərman vasitələri ilə qarşılıqlı təsiri

Digər dərman vasitələri ilə qarşılıqlı təsiri yoxdur.

Hamiləlik və laktasiya dövründə istifadəsi

Məlumat yoxdur.

İstifadə qaydası və dozası

Gel, gündə 3 dəfə nazik təbəqə şəklində yüngül əl hərəkətləri ilə xəstə nahiyəyə sürtülür.

Əlavə təsirləri

Məlumat yoxdur. Dəridə allergik reaksiyalar baş verə bilər. Preparatdan istifadə edərkən hər hansı lokal reaksiya müşahidə edilərsə, bu barədə həkimə və ya əczaçıya məlumat vermək lazımdır.

Doza həddinin aşılması

Preparatdan istifadə zamanı doza həddinin aşılması əlamətləri müşahidə edilməmişdir. Əgər belə hal müşahidə edilərsə, Toksikoloji Məlumat Xidmətinə məlumat vermək lazımdır.

Buraxılış forması

60 q gel, alüminium tubda. 1 tub içlik vərəqə ilə birgə karton qutuya qablaşdırılır. Digər buraxılış forması Venosmil 200 mq, 20 və 60 kapsul, içlik vərəqə ilə birgə karton qutuya qablaşdırılır.

Saxlanma şəraiti

30ºC –dən yuxarı olmayan temperaturda, havası təmiz olan, quru və uşaqların əli çatmayan yerdə saxlamaq lazımdır.

Yararlılıq müddəti

Yararlılıq müddəti tubun və qablaşdırıldığı qutunun üzərində göstərilmişdir. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

Laboratorios Vitoria, S.A. (Faes Group) Portugal Rua Elias Garcia, 28 2700- 327 Amadora FAES FARMA,S.A.