Temidoks 50 mq 2 ml N10 inyeksiya

Dərman vasitəsinin istifadəsi üzrə təlimat (xəstələr üçün)

TEMİDOKS inyeksiya üçün məhlul

Tərkibi

Təsiredici maddə: 1 ampulda 100 mq 2-etil-6-metil-3-hidroksipiridin suksinat vardır. Köməkçi maddələr: inyeksiya üçün su.

Təsviri

Rəngsiz və ya bir qədər rəngli şəffaf mayedir.

Farmakoterapevtik qrupu

Sinir sisteminə təsir göstərən vasitələr. ATC kodu: N07XX.

Farmakoloji xüsusiyyətləri

Farmakodinamikası TEMİDOKS sərbəst radikal proseslərinin inhibitoru, membran qoruyucusu, antihipoksant, stressdən qoruyucu, nootrop, qıcolmaəleyhinə və anksiolitik təsirə malikdir. Preparat orqanizmi müxtəlif zədələyici təsirlərə, oksigendən asılı patoloji vəziyyətlərə (şok, hipoksiya və işemiya, beyin qan dövranının pozğunluğu, alkoqol və antipsixotik vasitələrdən intoksikasiya) qarşı müqavimətini artırır. Preparat beyin metabolizmini və baş beyinin qanla təchizatını yaxşılaşdırır, qanın mikrosirkulyasiyasını və reoloji xüsusiyyətlərini yaxşılaşdırır, trombositlərin aqreqasiyasını azaldır. Hemoliz zamanı qan hüceyrələrinin membran strukturunu stabilləşdirir (eritrositlər və trombositlər). Hipolipidemik təsirə malikdir, ümumi xolesterinin və aşağısıxlıqlı lipoproteinlərin (ASLP) miqdarını azaldır. Kəskin pankreatit zamanı fermentativ toksemiyanı və endogen intoksikasiyanı azaldır. Preparatın təsir mexanizmi onun antioksidləşdirici və membran qoruyucu təsiri ilə əlaqədardır. O, lipidlərin peroksidlə oksidləşməni zəiflədir, superoksiddismutazanın aktivliyini artırır, lipid-zülal nisbətini artırır, membranın yapışqanlığını azaldır, axıcılığını artırır. Membrana bağlı fermentlərin (kalsiumdan asılı olmayan fosfodiesteraza, adenilatsiklaza, asetilxolinesteraza), reseptor komplekslərinin (benzodiazepin, qamma amin-yağ turşusu (QAYT)) aktivliyini modullaşdırır, bu onun liqandlarla əlaqəsini gücləndirir, biomembranın struktur-funksional təşkilinin saxlanmasına, neyromediatorların nəqlinə və sinaptik ötürmənin yaxşılaşmasına səbəb olur. TEMİDOKS baş beyində dofaminin miqdarını artırır. Aerob qlikolizin kompensator aktivliyinin güclənməsinə və hipoksiya şəraitində adenozin trifosfat (ATF) miqdarının artması ilə Krebs siklində oksidləşmə proseslərinin sıxılma dərəcəsinin azalmasına, mitoxondrilərin enerji sintez edən funksiyalarının aktivləşməsinə, hüceyrə membranının stabilləşməsinə səbəb olur. TEMİDOKS işemiyaya uğramış miokardda metabolik prosesləri normallaşdırır, nekroz sahəsini azaldır, miokardın elektrik aktivliyini və yığılma qabiliyyətini bərpa edir və yaxşılaşdırır, həmçinin, işemiya zonasında tac-damar qan axınını artırır, kəskin koronar çatışmazlıqlar zamanı reperfuzion sindromun nəticələrini azaldır. Nitropreparatların antianginal aktivliyini artırır. TEMİDOKS xronik işemiya və hipoksiya ilə nəticələnən inkişaf edən neyropatiya zamanı torlu qişanın qanqlion hüceyrələrinin və görmə siniri liflərinin saxlanmasına səbəb olunur. Torlu qişanın və görmə sinirinin funksional aktivliyini yaxşılaşdırmaqla görmə itiliyini artırır. Farmakokinetikası Əzələ daxilinə yeritmə zamanı preparat daxil edilmədən sonra 4 saat ərzində qan plazmasında müəyyən edilir. Maksimal konsentrasiyaya 0,45-0,5 saatda çatır. 400-500 mq dozada maksimal konsentrasiya – 3,5-4,0mkq/ml. TEMİDOKS qan damarlarından orqan və toxumalara tez keçir və orqanizmdən tezliklə xaric olunur. Preparat orqanizmdən sidiklə əsasən qlükuron konyuqasiya olmuş şəkildə, az miqdarda isə -dəyişilmədən xaric olur.

İstifadəsinə göstərişlər

Beyin qan dövranının kəskin pozulmaları; Kəllə-beyin travması, kəllə-beyin travmasının nəticələri; Dissirkulyator ensefalopatiya; Neyrosirkulyator distoniya; Aterosklerotik mənşəli yüngül koqnitiv pozğunluqlar; Nevrotik və nevrozabənzər vəziyyətlərdə təşviş pozuntuları; Kəskin miokard infarktı (ilk günlərdə), kompleks terapiyanın tərkibində; Müxtəlif mərhələlərdə olan birincili açıqbucaqlı qlaukoma, kompleks terapiyanın tərkibində; Nevrozabənzər və vegetativ damar pozğunluqlarının üstünlük təşkil etdiyi alkoqolizmdə abstinent sindromun aradan qaldırılması; Antipsixotik vasitələrlə kəskin intoksikasiya; Qarın boşluğunda kəskin irinli iltihabı proseslər (kəskin nekrotik pankreatit, peritonit), kompleks terapiyanın tərkibində.

Əks göstərişlər

Preparata qarşı yüksək fərdi həssaslıq, qaraciyər və ya böyrək çatışmazlığı. Hamiləlik və laktasiya dövrü zamanı. Uşaqlıq yaşı.

Xüsusi göstərişlər və ehtiyat tədbirləri

Bəzi hallarda, xüsusilə həssas xəstələrdə, bronxial astması olan xəstələrdə, sulfitlərə qarşı artan həssaslıq, ağır həssaslıq reaksiyaları inkişaf edə bilər. Məhdudiyyətlə, proliferativ prosesləri gücləndirmək qabiliyyətinə görə diabetik retinopatiya (kurs 7-10 gündən çox olmamalıdır) olan xəstələrdə istifadə edilməlidir. Parenteral daxil etmə başa çatdıqdan sonra, əldə olunan təsirin saxlanması üçün preparatın qəbulunu peroral olaraq tablet şəkilində davam etdirmək tövsiyə olunur.

Digər dərman vasitələri ilə qarşılıqlı təsiri

TEMİDOKS benzodiazepin anksiolitiklərinin, qıcolma əleyhinə vasitələrin (karbamazepin), parkinsona qarşı vasitələrin (levodopa) təsirini gücləndirir. Etil spirtinin toksik təsirini azaldır. Nitropreparatların antianginal fəallığını və APF və beta-adrenoblokatorların antihipertenziv fəallığını artırır. Nibetanla, propranololla və verapamillə birgə istifadəsi sonuncuların aritmogen təsirinin inkişaf riskini azaldır, neyroleptiklərlə birgə istifadə sonuncuların inkişaf riskini və ifadə olunmasını aşağı salır.

Hamiləlik və laktasiya dövründə istifadəsi

Preparatın hamiləlik və laktasiya dövründə istifadəsinin təhlükəsizliyi ilə əlaqədar ciddi nəzarət altında klinik təhqiqatlar aparılmamışdır, buna görə də həmin dövrdə TEMİDOKSUN istifadəsi tövsiyə olunmur. Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri Müalicə zamanı avtonəqliyyatın idarə edilməsi və mexanizmlərlə iş zamanı reaksiyanın sürətinə və diqqəti toplamaq qabiliyyətinə təsir göstərəcək əlavə təsirlərin olma ehtimalını nəzərə alaraq, ehtiyatlı olmaq lazımdır.

İstifadə qaydası və dozası

TEMİDOKS əzələdaxili və ya venadaxili (axın, damcı) təyin olunur. Doza fərdi seçilir. İnfuziya daxil etmə üsulu zamanı natrium xloridi fizioloji məhlulda (200 ml) həll etmək lazımdır. Böyüklərin müalicəsini gündə 1-3 dəfə 50-100 mq dozadan başlamaq və terapevtik təsir alınanadək tədricən dozanı artırmaq lazımdır. TEMIDOX jetini 5-7 dəqiqə ərzində yavaş-yavaş yeridin, damcı ilə – 1 dəqiqədə 40- 60 damcı surətlə. Maksimum gündəlik doza 800 mq-dan çox olmamalıdır. Beyin qan dövranının kəskin pozulmaları zamanı TEMİDOKS kompleks terapiyada ilk 2-4 gündə 1 dəfə 200-250 mq venadaxili axınla və ya damcı üsulu ilə, sonra isə gündə 3 dəfə 100 mq olmaqla təyin olunur. Müalicə müddəti 10-14 gün təyin olunur. Kəllə-beyin travması və kəllə-beyin travmalarının nəticəsi zamanı TEMİDOKSU 10-15 gün ərzində venadaxili damcı yeritmə yolu ilə gündə 200-250 mq olmaqla 2-3 dəfə istifadə olunur. Dissirkulyator ensefalopatiya zamanı dekompensasiya fazasında TEMİDOKS 14 gün ərzində gündə 2-3 dəfə 100 mq olmaqla vena daxili axınla və ya damcı üsulu ilə təyin olunur. Sonra növbəti iki həftə ərzində preparatı əzələ daxilinə 100 mq olmaqla daxil etmək lazımdır. Dissirkulyator ensefalopatiyanın profilaktika kursu zamanı preparatı böyüklərə 10-14 gün ərzində əzələ daxilinə gündə 2 dəfə 100 mq olmaqla daxil etmək lazımdır. Dissirkulyasiya edən ensefalopatiyanın kurs profilaktikası üçün böyüklər üçün dərman 10-14 gün ərzində gündə 2 dəfə 100 mq dozada əzələdaxili olaraq tətbiq edilməlidir. Ahıl yaşda olan xəstələrdə yüngül koqnitiv pozuntular zamanı və təşviş hallarında preparatı 14-30 gün ərzində əzələ daxilinə gündə 100-300 mq təyin olunur. Kəskin miokard infarktında, kompleks terapiyanın bir hissəsi olaraq, TEMIDOX nitratlar, β-blokatorlar, angiotenzinçevirici fermentin (ACE) inhibitorları, trombolitiklər, antikoaqulyant və antiaqreqantlar daxil olmaqla, həmçinin göstərişlərə görə simptomatik vasitələr miokard infarktı üçün ənənəvi terapiya fonunda 14 gün ərzində venadaxili və ya əzələdaxili olaraq tətbiq edilməlidir. İlk beş gün ərzində, maksimal effektin əldə edilməsi üçün, TEMİDOKSU venadaxili yeridilmə lazımdır, növbəti 9 gün ərzində isə TEMİDOKSU əzələdaxili yeridilə bilər. TEMİDOKSU vena daxilinə damcı yolu ilə infuziya ilə, tədricən (əlavə təsirdən qaçmaq üçün) 0,9%-li natrium-xlorid məhlulunda və ya 5%-li dekstroza (qlükoza) məhlulunda 30-90 dəqiqə ərzində 100- 150 ml həcmdə yeritmək lazımdır. Lazım olarsa, TEMİDOKSUN ən azı 5 dəqiqə ərzində tədricən axın yeridilməsi də mümkündür. TEMİDOKSU gündə 3 dəfə vena daxilinə və ya əzələ daxilinə, 8 saatdan bir yeritmək lazımdır. Gündəlik terapevtik doza gün ərzində bədən kütləsinin hər kiloqramına 6-9 mq, birdəfəlik doza – bədən kütləsinin hər kiloqramına 2-3 mq təşkil edir. Maksimal gündəlik doza 800 mq-dan, birdəfəlik doza isə 250 mq-dan artıq olmamalıdır. Müxtəlif mərhələlərdə olan açıq bucaqlı qlaukoma zamanı TEMİDOKSU kompleks terapiyanın tərkibində 14 gün ərzində gündə 1-3 dəfə 100-200 mq əzələ daxilinə yeritmək lazımdır. Abstinent alkoqol sindromu zamanı TEMİDOKSU gündə 2-3 dəfə 100-200 mq əzələ daxilinə və ya gündə 5-7 gün ərzində 1-2 dəfə vena daxilinə damcı üsulu ilə yeritmək lazımdır. Antipsixotik vasitələrlə kəskin intoksikasiya zamanı böyüklərə preparat vena daxilinə 7-14 gün ərzində gündə 50-300 mq olmaqla dozada vena daxilinə daxil etmək lazımdır. Qarın boşluğunun kəskin irinli-iltihabi prosesləri zamanı (kəskin nekrotik pankreatit, peritonit) preparatı ilk günlərdə həm əməliyyatdan qabaq, həm də əməliyyatdan sonra təyin etmək lazımdır. Doza xəstəliyin şəklindən və ağırlığından, prosesin yayılmasından, klinik gedişatın variantlarından asılıdır. Preparatın qəbulunu tədricən, yalnız davamlı müsbət klinik-laborator effekt olduqdan sonra dayandırmaq lazımdır. Kəskin ödemli (interstisial) pankreatit zamanı gündə 3 dəfə 100 mq vena daxilinə damcı üsulu ilə (natrium xloridin izotonik məhlulunda) və əzələ daxilinə təyin etmək lazımdır. Yüngül ağırlıq dərəcəli nekrotik pankreatit: gündə 3 dəfə 100-200 mq vena daxilinə damcı üsulu ilə (natrium xloridin izotonik məhlulunda) və əzələ daxilinə. Orta ağırlıq dərəcəli: böyüklərə – gündə 3 dəfə 200 mq vena daxilinə damcı üsulu ilə (natrium xloridin izotonik məhlulunda). Ağır hallarda: ilk günlərdə ikiqat daxil etməklə 800 mq puls-dozalama, sonra – gündəlik dozanı tədricən azaltmaqla gündə 2 dəfə 300 mq. Çox ağır hallarda: pankreatogen şokun aradan qalxmasının davamlı əlamətləri yarananadək 800 mq ilkin doza, vəziyyət stabilləşdikdən sonra – gündəlik dozanı tədricən azaltmaqla gündə 2 dəfə vena daxilinə damcı üsulu ilə gündəlik 300-400 mq (natrium xloridin izotonik məhlulunda). Uşaqlar Preparatdan istifadənin təhlükəsizliyinə dair ciddi şəkildə nəzarət olunan klinik tədqiqatlar olmadığından TEMİDOKSU bu kateqoriyadan olan pasiyentlərin istifadə edilməsi tövsiyə olunmur.

Əlavə təsirləri

Ürək-damar sisteminə: arterial təzyiqin artması və ya azalması. Sinir sisteminə: başgicəllənmə, yuxululuq, yuxuya getmə prosesinin pozulması, həyəcan hissi, emosional reaktivlik, baş ağrıları, koordinasiyanın pozulması. Həzm sisteminə: ürəkbulanma, ağız selikli qişasında quruluq. İmmun sistemə: preparata qarşı fərdi ifrat həssaslıq, dəri səpmələri, övrə, qaşınma, angionevrotik ödem daxil olmaqla allergik reaksiyaların yaranma ehtimalı. Şiddətli həssaslıq reaksiyaları, bronxospazm mümkündür. Dəridən və dərialtı toxumadan: distal hiperhidroz, inyeksiya yerində dəyişikliklər. Vena daxilinə yeritmə, xüsusilə, axın şəklində yeridilmə zamanı ağızda metal dadının olması, bütün bədəndə hərarətin hiss olunması, xoşagəlməz qoxunun, boğazda qıcıqlanmanın və döş qəfəsində narahatlıq hissinin, təngnəfəsliyin, taxikardiyanın, tremorun, sifətin hiperemiyasının olması mümkündür. Adətən, göstərilən hallar preparatın yüksək sürətlə yeridilməsi ilə əlaqədardır və qısamüddətlidir. Preparat uzun müddət yeridildikdə meteorizm, zəiflik, periferik ödemlər kimi əlavə təsirlərin olması mümkündür.

Doza həddinin aşılması

Doza həddinin aşılması zamanı yuxululuq ola bilər. Yuxusuzluq, vena daxilinə yeridilmə zamanı tək-tək hallarda arterial təzyiqin qısamüddətli və cüzi artması. Doza həddini aşma simptomlarının inkişafı zamanı, adətən, onların aradan qaldırılması üçün hər hansı vasitələrdən istifadə etməyə ehtiyac yoxdur. Yuxu pozulması simptomları müstəqil şəkildə bir neçə gün ərzində aradan qalxır. Xüsusilə ağır hallarda, tablet şəklində olan hipnotiklərdən və anksiolitiklərdən (nitrazepam 10 mq, oksazepam 10 mq, diazepam 5 mq) istifadə etmək tövsiyə olunur. Arterial təzyiqin həddən artıq qalxması zamanı arterial təzyiqə nəzarət etməklə antihipertenziv vasitələrdən istifadə olunur və ya terapiyaya nitrotərkibli preparatlar əlavə olunur. Müalicə – dezintoksikasiya terapiyasıdır.

Buraxılış forması

2 ml məhlul, ampulda. 10 ampul içlik vərəqə ilə birlikdə karton qutuya qablaşdırılır.

Saxlanma şəraiti

о 30 C-dən yuxarı olmayan temperaturda, orijinal qutusunda və uşaqların əli çatmayan yerdə saxlamaq lazımdır.

Yararlılıq müddəti

5 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

MICROKHIM RPF LTD, Ukraine. 5, Budindustrii str., Holosiivskyi district, Kyiv, Ukraine, 01013. Qeydiyyat vəsiqəsinin ahibi MICROKHIM RPF LTD, Ukraine. 5, Budindustrii str., Holosiivskyi district, Kyiv, Ukraine, 01013.