Normagut 250 mq N10 kapsul

Dərman vasitəsinin istifadəsi üzrə təlimat (xəstələr üçün)

NORMAQUT kapsullar

Tərkibi

Təsiredici maddə: 1 kapsulda 250 mq quru dondurulmuş Saccaromyces boulardii maya göbələkləri (hər 1 qram preparatda ən azı 10 milyard hüceyrə var) vardır. Köməkçi maddələr: susuz laktoza, maqnezium stearat, jelatin, titan dioksid (E171), sarı dəmir oksidi (E172), xlorofillin mis kompleksi (E141).

Təsviri

Daxilində boz rəngli qranullar olan açıq yaşıl rəngli qapaq və sarı rəngli korpusdan ibarət olan sərt jelatin kapsullardır.

Farmakoterapevtik qrupu

Probiotik.

Farmakoloji xüsusiyyətləri

Saccaromyces boulardii probiotik təsirli preparat olub,daxilə qəbul olunduqda mədə-bağırsaq traktının fəaliyyətinə müsbət təsir göstərir,immuniteti artırır.

İstifadəsinə göstərişlər

Bağırsaq florasının normal funksiyasının bərpa olunması. Disbakterioz. Clostridium difficile mənşəli diareyanın müalicə və profilaktikası. Səyahətçi diareyası. Antibiotiklə assosiyasiya olunmuş diareya.

Əks göstərişlər

Preparatın komponentlərindən hər hansı birinə qarşı hiperhəssaslıq. İmmun çatışmazlığı olan xəstələr, orqan transplantasiyası edilmiş və şüa müalicəsi alan xəstələr.

Xüsusi göstərişlər və ehtiyat tədbirləri

Əgər diareya (ishal) 2 gündən artıq davam edərsə, həkimlə məsləhətləşin.

Digər dərman vasitələri ilə qarşılıqlı təsiri

Göbələkəleyhinə preparatlarla birlikdə istifadə olunduqda Saccaromyces boulardii-nin təsiri zəifləyir, MAO inhibitorları ilə birgə istifadə olunduqda, qan təzyiqini qaldıra bilər.

İstifadə qaydası və dozası

12 yaşdan yuxarı uşaqlarda və böyüklərdə Bağırsaq florasının normal funksiyasının bərpa olunması üçün gündə 1-2 dəfə 1 kapsul daxilə qəbul olunur; Diareyanın müalicəsində gündə 1-2 dəfə 1 kapsul; Səyahətçi diareyasında yola düşməzdən 5 gün əvvəl günə 1-2 kapsul; 2-12 yaşlı uşaqlarda: gündə 1-2 dəfə 1 kapsul, kapsul açılır və möhtəviyyatı su,şirə yaxud qida ilə qarışdırılaraq qəbul edilir.

Əlavə təsirləri

Meteorizm.

Buraxılış forması

10 kapsul, blisterlərdə. 1 blister (10 kapsul) və ya 3 blister (30 kapsul), içlik vərəqə ilə birlikdə karton qutuya qablaşdırılır.

Saxlanma şəraiti

25°C-dən aşağı temperaturda, quru, qaranlıq və uşaqların əli çatmayan yerdə saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı

“Ardeypharm GmbH”, Almaniya. 58313 Herdecke, Almaniya. Lisenziya sahibi “Mega Lifesciences Pti.Ltd. (Avstraliya) Pti Ltd”,Avstraliya. Azərbaycanda rəsmi distribütor “Paşa K”. Azərbaycan Respublikası,Bakı ş.,F.X.Xoyski,138 Tel.(+994 12)465 81 94, faks (+994 12) 465 44 50.