Natrium tetraborat qliserinlə 20 % 30 ml məhlul

Dərman vasitəsinin istifadəsi üzrə təlimat (xəstələr üçün)

NATRİUM TETRABORAT-YƏF yerli istifadə üçün məhlul Beynəlxalq patentləşdirilməmiş adı: Sodium tetraborate

Tərkibi

Təsiredici maddə: 100 ml məhlulun tərkibində 20 q natrium tetraborat dekahidrat vardır. Köməkçi maddə: qliserin.

Təsviri

Rəngsiz özlü mayedir.

Farmakoterapevtik qrupu

Antiseptik vasitə. ATC kodu: D08AD.

Farmakoloji xüsusiyyətləri

Antiseptik vasitədir. Bakteriostatik aktivliyə malikdir. Kandidoz zamanı effektivdir. Selikli qişalardakı göbələk mitselini təmizləyir, göbələyin selikli qişalara yapışma prosesini pozur və onun artmasını tormozlayır.

İstifadəsinə göstərişlər

Ağız boşluğunun, udlağın, cinsi orqanların selikli qişasının kandidozlu zədələnmələri.

Əks göstərişlər

Hiperhəssaslıq, uşaqlar, selikli qişanın tamlığının pozulması, hamiləlik və laktasiya dövrü.

Xüsusi göstərişlər və ehtiyat tədbirləri

Vaginal kandidozun monoterapiyası zamanı effektivliyi artırmaq məqsədilə müalicə prosedurları tibbi heyət tərəfindən çox sayda aparılması vacibdir, əks halda göbələk mitseliləri uşaqlıq yolunun selikli qişasının kriptalarında ləngiyə bilər, bu isə xəstəliyin residivləşməsinə səbəb olur.

Digər dərman vasitələri ilə qarşılıqlı təsiri

Aşkar edilməyib. Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri Preparatın təlimata uyğun istifadəsi nəqliyyatı idarə etməyə və yüksək diqqət və sürətli psixomotor reaksiyalar tələb edən digər potensial təhlükəli fəaliyyət növlərilə məşğul olmağa təsir etmir.

İstifadə qaydası və dozası

Yerli. Ağız boşluğunun selikli qişasının zədələnmiş nahiyəsinə gündə 2-3 dəfə sürtülür. Müalicə kursu 3-7 gün təşkil edir. Vaginal kandidozun müalicəsi zamanı (süd yarası) preparatın istifadəsindən əvvəl qaynanmış su ilə və ya çobanyastığı məhlulu ilə çiləmə aparmaq lazımdır, bundan sonra preparatla islanmış tamponu uşaqlıq yoluna 20-30 dəqiqə müddətində yeritmək lazımdır. İstifadə tezliyi və müalicə kursu xəstəliyin ağırlığından asılıdır. Əhəmiyyətsiz dərəcədə ifrazat və qaşınma olduqda gündə 1 dəfə (yaxşı olar ki, gecə), çox ifrazat olduqda isə preparat gündə 2 dəfə (səhər və axşam) 7 gün müddətində istifadə edilir.

Əlavə təsirləri

Hiperemiya, preparatın istifadə edildiyi nahiyədə yanma hissi, allergik reaksiyalar.

Doza həddinin aşılması

Aşkar edilməyib.

Buraxılış forması

20%-li 30 q yerli istifadə üçün məhlul, narıncı rəngli şüşə və ya narıncı rəngli damcısalanlı şüşə flakonda. 1 flakon və ya 1 damcısalanlı flakon, müvafiq sayda içlik vərəqə ilə birlikdə qrup qutuya qablaşdırılır.

Saxlanma şəraiti

25ºC-dən yüksək olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı

“Yaroslavl əczaçılıq fabriki” QSC. Rusiya, 150030,Yaroslavl ş., 1-ci Putevaya k., 5. Tel.:/Faks: (4852) 44-38-56.