Karmetadin 35 mq N60 tablet

Təsiredici maddə: TRIMETAZIDINE

Təsiredici maddə	TRIMETAZIDINE
Dərman forması	Tablet
Farmakoloji təsir	Qan-damar sistemi xəstəliyinin müalicəsi üçün preparatlar. Antianginal vasitələr. Miokardın metabolizmini yaxşılaşdıran preparatlar
İstehsal ölkəsi	Türkiyə

Onlayn sifariş zamanı 5% endirim.

Sifarişi təsdiqləyərkən kupon kodundan istifadə edin

Endirim_5

11,28 ₼

Stokda var

Müqayisə

Filialdan götürmək

Bu gün götürmək

Ödənişsiz

Kuryerlə çatdırılma

Kuryerimiz sifarişinizi qeyd etdiyiniz ünvana çatdıracaq.

Ödənişli

Ekspress çatdırılma

Sürətli çatdırılma

Ödənişli

Ödəniş üsulları:

Məhsulun təsviri

Dərman vasitəsinin istifadəsi üzrə təlimat (xəstələr üçün)

KARMETADİN modifikasiyalı azad olunan örtüklü tabletlər Beynəlxalq patentləşdirilməmiş adı: Trimetazidine

Tərkibi

Təsiredici maddə: 1 tabletin tərkibində 35 mq trimetazidin dihidroxlorid vardır. Köməkçi maddələr: susuz kalsium hidrofosfat, susuz kolloidal silisium dioksid, polietilenoksid, povidon, ksantan kitrəsi, maqnezium stearat. Örtük: qəhvəyi II opadri® 85G565010 (polivinil spirti, polietilenqlikol, sarı dəmir oksidi, talk, titan dioksid, soya lesitini), maqnezium stearat, qliserin.

Təsviri

İkitərəfli qabarıq, çəhrayı-qəhvəyi rəngli, bir tərəfi “TZN 35” oymalı və digər tərəfi hamar olan örtüklü tabletlər.

Farmakoterapevtik qrupu

Qan-damar sistemi xəstəliyinin müalicəsi üçün preparatlar. Antianginal vasitələr. Miokardın metabolizmini yaxşılaşdıran preparatlar. ATC kodu: C01EB15.

Farmakoloji xüsusiyyətləri

Farmakodinamikası Karmetadin kardioloji antianginal dərman vasitəsidir. Trimetazidin hipoksiyaya və işemiyaya meyilli hüceyrələrdə energetik metabolizmi qoruyaraq hüceyrədaxili ATF-in səviyyəsinin azalmasının qarşısını alır ki, bu da hüceyrə hemostazını qoruyaraq ion nasoslarının lazımi fəaliyyətini və transmembran natrium-kalium axınını təmin edir. Karmetadin ürəkdə energetik metabolizmi optimallaşdırır (yağ turşularının oksidləşməsinin qismən qarşısının alınması nəticəsində uzunzəncirli 3-ketoasil CoA-tiolazanın (3-KAT) inhibə edilməsi hesabına). Bu, qlükozanın oksidləşməsinin və qlikolizin qlükozanın oksidləşməsilə birləşməsinin güclənməsinə səbəb olur. Trimetazidin həmçinin membran fosfolipidlərinin mübadiləsinin yüksəlməsinə və onların membrana nüfuz etməsinə səbəb olur ki, bu da membranın zədələnmədən qorunmasını təmin edir. Preparatın antianginal xüsusiyyəti energetik substratın (yağ turşularının oksidləşməsindən qlükozanın oksidləşməsinə) keçidilə əsaslanır. Kardiologiyada stenokardiyalı xəstələrdə preparatın istifadəsi zamanı aşağıdakı hallar qeyd edilir: – koronar rezervin yüksəlməsi, bununla da müalicənin 15-ci günündən başlayaraq fiziki yüklənmə ilə əlaqədar olan işemiyanın baş verməsinin qarşısı alınır; – ürək yığılmalarının tezliyinin əhəmiyyətsiz dəyişikliyi ilə qan təzyiqinin kəskin dəyişməsinin məhdudlaşdırılması; – stenokardiya tutmalarının tezliyinin əhəmiyyətli dərəcədə azalması; – nitroqliserin qəbulunun əhəmiyyətli dərəcədə ixtisara salınması. Otolarinqologiyada: – preparat başgicəllənmə müddətinin və tutmalarının tezliyinin dərəcəsinə effektiv təsir edir; – Karmetadinin təsiri nəticəsində qulaqlarda küyün intensivliyi və təzahür müddəti azalır və residivlərin qarşısı alınır; – perseptiv karlıq zamanı preparat qavrama diapazonunun desibellərdə yüksəlməsini təmin edir və eşitmə problemini azaldır. Oftalmologiyada: Preparat işemiyaya həssas β-dalğa elektroretinoqramın amplitudasını yüksəldir. Xorioretinal damar pozğunluğu olan xəstələrdə preparat torlu qişanın funksional aktivliyinin bərpa olunmasına səbəb olur, görmə itiliyini və görmə sahəsini yaxşılaşdırır ki, bu da trimatazidinin təsiri nəticəsində morfoloji dəyişikliklərlə əlaqədardır (xüsusilə yaşlılarda sarı ləkənin degenerativ dəyişiklikləri zamanı). Farmakokinetikası Trimetazidin daxilə qəbul olunduqdan sonra mədə-bağırsaq sistemindən tez bir zamanda absorbsiya olunur. Maksimal konsentrasiyaya 5 saatdan sonra çatır. 24 saatdan sonra plazma konsentrasiyası bu göstəricinin 11 saat üçün qeyd olunan maksimal konsentrasiyadan yüksək və ya həmin göstəricinin 75%-ni təşkil edir. Stabil konsentrasiyaya 60 saatdan sonra çatır. Qida qəbulu trimetazidinin farmakokinetik parametrlərinə təsir etmir. Paylanma həcmi 4,8 l/kq təşkil edir ki, bu da preparatın toxumalarda yaxşı paylanması ehtimalına gətirir. Plazma zülalları ilə birləşməsi zəifdir (in vitro 16 %). Orqanizmdən əsasən böyrəklər vasitəsilə dəyişilməmiş şəkildə xaric olunur. Yarımxaricolma müddəti 7 saat, 65 yaşdan yuxarı xəstələrdə isə 12 saat təşkil edir. Trimetazidinin böyrək klirensi kreatininin klirensi ilə korrelyasiya olunur. Böyrək klirensi xəstənin yaşından asılı olaraq azalır. Yaşlı xəstələr trimetazidini sutlaklıq dozanı gündə 2 dəfə olmaqla 2 tablet qəbul etdikdə ekspozisiyanın yüksəlməsi qan plazmasında plasebo ilə müqayisədə heç bir effektlərə səbəb olmur.

İstifadəsinə göstərişlər

Kardiologiya: – ürəyin işemik xəstəliyinin uzunmüddətli müalicəsi: monoterapiya zamanı stenokardiya tutmalarının qarşısının alınması və ya digər preparatlarla birlikdə istifadəsi. Otolarinqologiya: – işemik mənşəli koxleo-vestibulyar pozulmaların müalicəsi: başgicəllənmə, qulaqlarda küy, hipoakuziya. Oftalmologiya: – işemiya elementlərilə xorioretinal pozulmalar.

Əks göstərişlər

– preparatın istənilən komponentinə qarşı yüksək həssaslıq; – hamiləlik və laktasiya dövrü; – Parkinson xəstəliyi, pakinson simptomları, tremor, “narahat” ayaqlar cindromu və onlarla bağlı digər hərəki pozğunluqlar. – 18 yaşa qədər uşaqlar. – Ağır böyrək çatışmazlığı.

Xüsusi göstərişlər və ehtiyat tədbirləri

Preparat bazis terapiyada istifadə edilir (lakin stenokardiya tutmalarını qarşısının alınması üçün deyil). Preparatın qeyri-stabil stenokardiya və ya miokard infarktının müalicəsində istifadə etmək əks göstərişdir. Stenokardiya tutmalarının yaranması zamanı müalicəyə yenidən baxmaq və adaptasiya etdirmək lazımdır (dərman terapiyasının və ya revaskulyarizasiyanın aparılması). Karmetadin parkinson simptomlarının (tremor, akineziya, tonusun artması) yaranmasına və ya pisləşməsinə səbəb ola bilər. Bu səbəbdən xəstələri müntəzəm olaraq nəzarət altında saxlamaq lazımdır (xüsusilə yaşlı xəstələri). Şübhəli hallarda xəstə ya nevoloqa və ya müvafiq müayinəyə yönəldilməlidir. Parkinson simptomları, “narahat” ayaqlar sindromu, tremor, Romberq pozasında dayanıqlıqsız və “sərxoş” yerişi kimi halların yaranması zamanı Karmetadinin qəbulunu qəti surətdə saxlamaq lazımdır. Əgər parkinsonizmin simptomları preparatın qəbulu dayandıqdan 4 aydan sonra da keçməzsə, nevroloqa müraciət etmək məsləhət görülür. Hipotenziv preparatlar qəbul edən xəstələrdə Romberq pozasında dayanıqsızlıq və “sərxoş” yeriş və ya arterial təzyiqin enməsi ilə bağlı olan yıxılma halları baş verə bilər. Klinik məlumatların olmadığı üçün preparatı kreatininin klirensi 15 ml/dəqiqədən az olan, eləcə də qaraciyər funksiyası pozğunluğu olan xəstələrə təyin etmək məsləhət görülmür. Yaşlı xəstələrin müalicəsində preparatın dozasının korreksiya olunmasına ehtiyac yoxdur. Karmetadini 75 yaşdan yuxarı xəstələrə ehtiyatla təyin etmək lazımdır.

Digər dərman vasitələri ilə qarşılıqlı təsiri

Məlumat yoxdur.

Hamiləlik və laktasiya dövründə istifadəsi

Hamiləlik dövründə preparatın istifadəsi yalnız fayda/risk nisbəti nəzərə alınmaqla mümkündür. Trimetazidinin ana südünə keçməsi barədə məlumat yoxdur. Bu səbəbə görə laktasiya dövründə preparat təyin edilərsə, ana südü ilə qidalandırmanı dayandırmaq lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Klinik tədqiqatlar gedişatında trimeazidinin hemodinamikaya təsiri barədə qeydlər olmamışdır. Lakin postqeydiyyat dövründə istifadəsi zamanı başgicəllənmə və yuxuya meyillik kimi əlamətlər müşahidə edildiyi üçün nəqliyyat vasitəsini və digər potensial təhlükəli mexanizmləri idarə etmək məsləhət olunmur.

İstifadə qaydası və dozası

Karmetadin gündə 2 dəfə (səhər və axşam) yemək vaxtı 1 tablet su ilə qəbul edilir. Tabletləri çeynəmək olmaz. Preparat uzun müddət qəbul edilir. Müalicə kursunun müddəti fərdi olaraq təyin edilir, ehtiyac olduqda müalicə sxeminə 3 aydan sonra yenidən baxmaq olar.

Əlavə təsirləri

Əlavə təsirlərin tezliyi aşağıdakı parametrlərlə müəyyən edilmişdir: tez-tez (≥1/100 – <1/10); nadir hallarda (≥1/10000 – <1/1000); məlum olmayan tezlik (tezliyi əldə olan məlumatlara görə hesablamaq mümkün deyil). Həzm sisteminə: tez-tez – qarın nahiyəsində ağrı, diareya, dispepsiya, ürəkbulanma, qusma; məlum olmayan tezlik – qəbizlik. Ümumi pozğunluqlar: tez-tez – asteniya. Mərkəzi sinir sisteminə: tez-tez – başgicəllənmə, baş ağrısı; məlum olmayan tezlik – parkinsonizm simptomları (tremor, akineziya, tonusun yüksəlməsi), Romberq pozasının dayanıqsızlığı və “sərxoş” yerişi, “narahat” ayaqlar sindromu, onlarla bağlı olan digər hərəki pozğunluqlar (terapiya bitdikdən sonra adətən bu hallar itir), yuxunun pozulması (yuxusuzluq, yuxuya meyillik). Dəriyə və dərialtı toxumaya: tez-tez – dəri səpgisi, qaşınma, övrə; məlum olmayan tezlik – kəskin yayılmış ekzantematoz pustulyoz, Kvinke ödemi. Ürək-damar sisteminə: nadir hallarda – ürəkdöyünmə hissiyyatı, ekstrasistoliya, taxikardiya, arterial təzyiqin enməsi, ümumi zəifliklə müşayiət olunan ortostatik hipotenziya, başgicəllənmə və ya tarazlığın itməsi (xüsusilə hipotenziv preparatlarla eyni vaxtda qəbul edildikdə), üz dərisində qan “axını”. Qanyaradıcı sistemə: məlum olmayan tezlik – aqranulositoz, trompositopeniya, al-qırmızı trombositopeniya. Qaraciyərə və ödçıxarıcı yollara: məlum olmayan tezlik – hepatit.